ନୂଆଦିଲ୍ଲୀ : କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ଡ. ହର୍ଷବର୍ଦ୍ଧନ ଏବଂ ଆୟୁଷ ମନ୍ତ୍ରୀ ଶ୍ରୀପଦ ୟେସୋ ନାୟକ ମିଳିତ ଭାବରେ ଆୟୁଷ ମନ୍ତ୍ରାଳୟ ପକ୍ଷରୁ କୋଭିଡ୍-19ର ଔଷଧ ସମ୍ପର୍କିତ ଘୋଷଣା କରିଛନ୍ତି । ଏଣିକି ଆୟୁର୍ବେଦକୁ କରୋନା ମୁକାବିଲା ପାଇଁ ବ୍ୟବହାର କରାଯିବ । ଆୟୁଷ ପକ୍ଷରୁ କରାଯାଇଥିବା ସର୍ବେକ୍ଷଣ ଅନୁଯାୟୀ ପ୍ରୋଫିଲାକ୍ସିସ୍ କୋଭିଡ୍ 19 ମୁକାବିଲାରେ ପ୍ରମୁଖ ଭୂମିକା ଗ୍ରହଣ କରିଥାଏ । ଆୟୁଷ -64 ଅନୁଯାୟୀ ଅଶ୍ବଗନ୍ଧାଳ ୟଷ୍ଟିମଧୁଳ ଗୁଡୁଚି ଏବଂ ପିପ୍ପଳୀରେ ଏହି ରାସାୟନିକ ଫର୍ମୂଲା ମହଜୁଦ ଅଛି । ପ୍ରୋଫିଲାକ୍ସିସ୍ ଏବଂ ହାଇଡ୍ରୋକ୍ସିକ୍ଲୋରୋକ୍ବିନ୍ର ମିଶ୍ରଣରୁ ପ୍ରସ୍ତୁତ ଔଷଧ ଯଦି କାର୍ଯ୍ୟକ୍ଷମ ହୁଏ ତେବେ ଏହା ଚିକିତ୍ସା ବିଜ୍ଞାନ ପାଇଁ ଅନନ୍ୟ ସଫଳତା ହେବ ବୋଲି ଡ. ହର୍ଷବର୍ଦ୍ଧନ କହିଛନ୍ତି ।
ଆୟୁଷ ମନ୍ତ୍ରାଳୟ ପକ୍ଷରୁ ସୃଷ୍ଟି ହୋଇଥିବା ଏହି ସମସ୍ତ ପାରମ୍ପରିକ ଚିକିତ୍ସା ପ୍ରଣାଳୀକୁ ଦେଶର ଚିକିତ୍ସକଙ୍କ ଠାରେ ପରୀକ୍ଷାମୂଳକ ଭାବରେ ପ୍ରୟୋଗ କରାଯିବ ବୋଲି ଜଣାପଡିଛି । ଆଜିଠାରୁ ଏହି ଔଷଧର କ୍ଲିନିକାଲ୍ ଟ୍ରାଏଲ୍ ଆରମ୍ଭ ହେବାକୁ ଯାଉଛି ବୋଲି ଡ. ହର୍ଷବର୍ଦ୍ଧନ ପ୍ରକାଶ କରିଛନ୍ତି ।
