ହରିଦ୍ବାର : ବିଶ୍ବ ମହାମାରୀ କରାନାକୁ ନେଇ ଜାରି ରହିଛି ଲକ୍ ଡାଉନ୍। ଏହି ଲକ୍ ଡାଉନ୍ ପାଇଁ ଦେଶର ବିଭିନ୍ନ ସହରରେ ଫସି ରହିଥିବା ଶ୍ରମିକଙ୍କୁ ରାଜ୍ୟମାନେ ନିଜ ରାଜ୍ୟକୁ ଫେରାଇ ନେଉଛନ୍ତି। ଲକଡାଉନ୍ କାରଣରୁ ଉତ୍ତରାଖଣ୍ଡର କିଛି ପ୍ରବାସୀ ବିଭିନ୍ନ ଅଞ୍ଚଳରେ ଫସି ରହିଥିଲେ। ଏହାକୁ ଦେଖି ଉତ୍ତରାଖଣ୍ଡ ସରକାର ଟ୍ରେନ୍ ଓ ବସ୍ ଜରିଆଣେ ସେମାନଙ୍କୁ ରାଜ୍ୟକୁ ଫେରାଇ ଆଣିବା କାର୍ଯ୍ୟ ଆରମ୍ଭ କରିଥିଲେ। ଏପର୍ଯ୍ୟନ୍ତ ଟ୍ରେନ୍ ପୁନା, ସୁରତ ଓ ବେଙ୍ଗାଲୁରୁରୁ ଆଦି ପ୍ରବାସୀଙ୍କୁ ନେଇ ହରିଦ୍ବାରରେ ପହଞ୍ଚିଛି । 12 ମଇରୁ ଦିନରେ ପୁନା ଓ ରାତ୍ରିରେ ସୁରତ୍ରୁ ଟ୍ରେନ୍ ଆସିଥିଲା। କିନ୍ତୁ ଗୁଜୁରାଟ ସୁରତରୁ ଆସିଥିବା ଟ୍ରେନ୍ରେ ପ୍ରବାସୀଙ୍କ ସଂଖ୍ୟା କୁହାଯାଇଥିବା ସଂଖ୍ୟାଠାରୁ କମ୍ ରହିଛି । ମିଳିଥିବା ସୂଚନା ଅନୁସାରେ 167ଜଣ ପ୍ରବାସୀ ଗାଏବ ରହିଛନ୍ତି ।
ଗୁଜୁରାଟର ସୁରତରୁ ଉତ୍ତରାଖଣ୍ଡର ହରିଦ୍ବାରରେ ପହଞ୍ଚିଥିବା ଶ୍ରମିକ ସ୍ପେଶାଲ୍ ଟ୍ରେନ୍ରେ ଯାତ୍ରୀଙ୍କ ଗାଏବକୁ ନେଇ ପ୍ରଶାସନ ଚିନ୍ତିତ ରହିଛନ୍ତି । ସୁରତରୁ ଆସୁଥିବା ପ୍ରବାସୀଙ୍କ ସଂଖ୍ୟା 1340 ରହିଥିବାବେଳେ ହରିଦ୍ବାରରେ ପହଞ୍ଚିଥିବା ପ୍ରବାସୀଙ୍କ ମଧ୍ୟରେ 167ଜଣ କମ୍ ରହିଛନ୍ତି । ଏତେ ସଂଖ୍ୟକ ପ୍ରବାସୀ କୁଆଡେ ଗଲେ ତାହାକୁ ନେଇ ଏବେ ପ୍ରଶାସନ ଚିନ୍ତିତ ରହିଛନ୍ତି । ଏହାକୁ ନେଇ ଜିଲ୍ଲା ପ୍ରଶାସନ ଯାଞ୍ଚ ଆରମ୍ଭ କରିଛି । ସେମାନେ ଟ୍ରେନ୍ରେ ଚଢିଛନ୍ତି ନା ନାହିଁ ଏହାକୁ ନେଇ ତଦନ୍ତ କରାଯାଉଛି । ତେବେ ହରିଦ୍ବାରରେ ଶ୍ରମିକମାନେ ପହଞ୍ଚିବା ପରେ ସେମାନଙ୍କୁ ଡକ୍ୟୁମେଣ୍ଟେସନର କରାଯାଉଛି । ସେହିପରି ଯଦି ଏହି ପ୍ରବାସୀମାନେ ବାଟରୁ କୁଆଡୁ ଓହ୍ଲାଇ ପଳାଇ ଯାଇଥାନ୍ତି ତେବେ ସେମାନଙ୍କ ଉପରେ କାର୍ଯ୍ୟାନୁଷ୍ଠାନ ନିଆଯିବ ବୋଲି କୁହାଯାଇଛି । ପ୍ରବାସୀ ଶ୍ରମିକମାନେ ପ୍ରଦେଶରେ ପହଞ୍ଚିବା ପରେ ତାଙ୍କୁ କ୍ବାରେଣ୍ଟାଇନ୍ରେ ରଖାଯାଉଛି ।
