ଭୁବନେଶ୍ବର, ଓଡିଶା ଇଲୋକଟ୍ରୋନିକ ମିଡିଆର ଜଣେ ପରିଚିତ ଭିଡିଓ ସାମ୍ବାଦିକ ସୁକାନ୍ତ କୁମାର ପାଣିଗ୍ରାହୀଙ୍କ ଆକାଳ ବିୟୋଗ ଘଟିଛି। ଆଜି ମଧ୍ୟାହ୍ନରେ ବ୍ରହ୍ମପୁର ବାସଭବନରେ ତାଙ୍କର ମୃତ୍ୟୁ ହୋଇଛି। ସେ କିଛି ବର୍ଷ ତଳେ କ୍ୟାନସର ରୋଗରେ ପିଡିତ ହୋଇ ଭଲ ହୋଇଥିଲେ। ହେଲେ ପରବର୍ତ୍ତି ସମୟରେ ତାହା ପୁଣି ପରିଲକ୍ଷିତ ହେବାରୁ ବ୍ରହ୍ମପୁରରେ ଚିକିତ୍ସା ହେଉଥିଲେ। ହେଲେ ଡାକ୍ତରଙ୍କ ସବୁ ଚେଷ୍ଠା ବିଫଳ ହୋଇଥିଲା।
ସୁକାନ୍ତ ଜଣେ ଭିଡିଓ ସାମ୍ବାଦିକ ଭାବେ ଇଟିଭି ଓଡିଆରୁ କାମ ଆରମ୍ଭ କରିଥିଲେ। ସେ ପ୍ରଥମେ ବ୍ରହ୍ମପୁରରେ ନିଜର କ୍ୟାରିୟର ଆରମ୍ଭ କରିଥିଲେ। ଏହାପରେ ସେ ଭୁବନେଶ୍ବରରେ ଜଣେ ଆଗଧାଡିର କ୍ୟାମେରମ୍ୟାନ ଭାବେ ନିଜର ଦକ୍ଷତା ପ୍ରତିପାଦନ କରାଇଛନ୍ତି। ଇଟିଭି ପରବର୍ତ୍ତି ସମୟରେ ନ୍ୟୁଜ 18 ଓଡିଆ ହେବା ପରେ ମଧ୍ୟ ସେ ସେହି ସଂସ୍ଥାରେ କାର୍ଯ୍ୟ କରୁ ଥିଲେ। ହେଲେ କୌଣସି କାରଣ ବସତଃ ସେ ନ୍ୟୁଜ 18 ଓଡିଆରୁ ଚାକିରୀ ଛାଡି ଦେଇଥିଲେ। ଏହାପରେ ସେ ମୁକ୍ତପେଶା ଭିଡିଓ ସାମ୍ବାଦିକ ଭାବେ କାର୍ଯ୍ୟ କରୁଥିଲେ। ବର୍ତ୍ତମାନ ତାଙ୍କ ଘରେ ତାଙ୍କ ଧର୍ମପତ୍ନୀଙ୍କ ସହିତ ଝିଅଟିଏ ଅଛି।
ତାଙ୍କର ଅକାଳ ବିୟୋଗ ଓଡିଶା ମିଡିଆ ଜଗତରେ ଶୋକର ଛାୟା ଖେଳି ଯାଇଛି।