ସମାଜବାଦୀ ପାର୍ଟୀ ଆସନ୍ତା ଲୋକସଭା ନିର୍ବାଚନ ପାଇଁ ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କରିଛି ଏଥିରେ ପ୍ରାର୍ଥୀଙ୍କ ପ୍ରଥମ ସୂଚୀ ଜାରି କରାଯାଇଛି । ଏଥିରେ ଦଳର ସଂସ୍ଥାପକ ମୁଲାୟମ ସିଂହ ଯାଦବଙ୍କୁ ମେନପୁରୀ ନିର୍ବାଚନ ମଣ୍ଡଳୀରୁ ଟିକଟ ଦିଆଯାଇଛି । ୟୁପିରେ ବିଏସପି ଏବଂ ଆରଏଲଡି ସହ ଲୋକସଭା ନିର୍ବାଚନ ଲଢିବାକୁ ଯାଉଥିବା ଏସପି ପାଖରେ ମେଣ୍ଟର ୩୭ଟି ଆସନ ରହିଛି, ସେହିପରି ବିଏସପି ପାଖରେ ୩୮ ସିଟ ଏବଂ ଆରଏଲଡି ପାଖରେ ୩ ସିଟ ରହିଛି । ୨୦୧୪ ଲୋକସଭା ନିର୍ବାଚନରେ ଏସପି ୟୁପିର ୮୦ଟି ଆସନରୁ ୫ଟି ଆସନରେ ବିଜୟୀ ହୋଇଥିଲା । ଏଥିରେ ମୁଲାୟମ ସିଂହ ସହ ତାଙ୍କ ପୁତୁରା ଧର୍ମେନ୍ଦ୍ର ଯାଦବ, ଅକ୍ଷୟ ଯାଦବ ଏବଂ ତାଙ୍କ ବୋହୂ ଡିମ୍ପଲ ଯାଦବ ଜିତିଥିଲେ । ଡିମ୍ପଲ କନ୍ନୌଜ ସିଟରୁ ନିର୍ବାଚନ ଲଢିଥିଲେ ।
