ଭୁବନେଶ୍ବର : ସହିଦନଗର ଅଞ୍ଚଳର ଜଣେ ମହିଳାଙ୍କୁ ଅପହରଣ ଉଦ୍ୟମ ହୋଇଥିଲା । ମହିଳାଙ୍କ ଅପହରଣ ଉଦ୍ୟମ ଅଭିଯୋଗରେ ତିନିଜଣ ଗିରଫ ହୋଇଛନ୍ତି । ଏହି ଗିରଫଙ୍କ ମଧ୍ୟରେ ଓଡ଼ିଶା ଆର୍ମଡ୍ ପୋଲିସ ଫୋର୍ସର ଜଣେ କନେଷ୍ଟବଳ ରହିଛନ୍ତି । ମହିଳାଙ୍କୁ ଅଟୋରେ ନେଇ ଯାଉଥିବାବେଳେ ଅଟୋରୁ ଡେଇଁପଡିଥିଲେ ମହିଳା । ମହିଳା ଜଣକ ଚିତ୍କାର କରିବା ପରେ ତିନିଜଣ ଯୁବକ ଧରାପଡିଥିବାର ସୂଚନା ରହିଛି।
ମିଳିଥିବା ସୂଚନା ଅନୁସାରେ ପାରିବାରିକ କଳହ ଯୋଗୁଁ ଘରୁ ବାହାରି ଥାନାରେ ଅଭିଯୋଗ କରିବାକୁ ଆସିଥିଲେ । କିନ୍ତୁ ଏହି ତିନି ଜଣ ଯୁବକ ମହିଳାଙ୍କୁ ଏକାକୀ ପାଇଁ ତାଙ୍କୁ ଅଟୋରେ ଥାନାକୁ ନେବାଯିବାକୁ ନେଇ ତାଙ୍କ ସାଙ୍ଗରେ ଅସଦାଚରଣ କରିଥିଲେ ବୋଲି ସୂଚନା ରହିଛି। ଅଟୋ ଟିକେ ସ୍ଲୋ ହୋଇଥିବାବେଳେ ମହିଳା ଜଣକ ଅଟୋରୁ ଡେଇଁପଡିଥିଲେ । ଅଟୋରେ ରହିଥିବା ଯୁବକଜଣକ ନିଶାସକ୍ତ ଥିବାରୁ ସେମାନେ ଖସି ଯାଇ ନ ପାରି ଧରାପଡିଥିଲେ ।