ଭୁବନେଶ୍ବର : ଆଜି ଭୁବନେଶ୍ବରରୁ 16 ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏହି 16ଜଣ ଆକ୍ରାନ୍ତଙ୍କ ମଧ୍ୟରୁ 14ଜଣ ହୋମ୍ କ୍ବାରେଣ୍ଟିନ୍ରେ ଥିବାବେଳେ 2ଟି ଲୋକାଲ୍ କେସ୍ ରହିଛି ବୋଲି ଟୁଇଟ୍ କରି ସୂଚନା ଦେଇଛି ଭୁବନେଶ୍ବର ମହାନଗର ନିଗମ।
ହୋମ୍ କ୍ବାରେଣ୍ଟାଇନ୍ରେ ଥିବା 14 ଜଣଙ୍କମଧ୍ୟରେ ପଟିଆ ଶ୍ରୀବିହାରରୁ ତିନି ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଏଠାରେ ଜଣେ 31ବର୍ଷୀୟ ବ୍ୟକ୍ତିଙ୍କ ସମେତ 65 ବର୍ଷୀୟ ବୟସ୍କ ସହ 58 ବର୍ଷୀୟ ମହିଳା ରହିଛନ୍ତି । ଏହି ସମସ୍ତ ଆକ୍ରାନ୍ତ ଗୋଟିଏ ପରିବାରର ବୋଲି ଜଣାପଡିଛି ।
ଜୟଦେବ ବିହାରରୁ ଦୁଇ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଜଣେ 71ବର୍ଷୀୟ ମହିଳାଙ୍କ ସହ ଜଣେ 71 ବର୍ଷୀୟ ପୁରୁଷ ରହିଛନ୍ତି। ଆମେରିକାରୁ ଫେରିଥିବାର ଜଣାପଡିଛି । ଏମାନେ ଦୁହେଁ ଗୋଟିଏ ପରିବାରର ବୋଲି ସୂଚନା ରହିଛି ।
ସେହିପରି ଚାରି ନମ୍ବର ଶାସ୍ତ୍ରୀ ନଗରରୁ ଦୁଇ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଦୁହିଁଙ୍କ ଟ୍ରାଭେଲ୍ ହିଷ୍ଟ୍ରି ଥିବା ଜଣାପଡିଛି । ଦୁହେଁ ଗୋଟିଏ ପରିବାରର ବୋଲି ସୂଚନାରହିଛି । ଆକ୍ରାନ୍ତ ମଧ୍ୟରେ ଜଣେ 75 ବର୍ଷୀୟ ବୟସ୍କ ରହିଥିବାବେଳେ 40 ବର୍ଷୀୟ ଜଣେ ବ୍ୟକ୍ତି ରହିଛନ୍ତି ।
ସତ୍ୟନଗର ଓଭରବ୍ରିଜ୍ ପାଖରୁ ଜଣେ ଆକ୍ରାନ୍ତ ଚିହ୍ନଟ ହୋଇଛନ୍ତି । 33 ବର୍ଷୀୟ ଏହି ଯୁବକ ଜଣକ ଦିଲ୍ଲୀରୁ ଫେରିଥିବାର ସୂଚନା ରହିଛି ।
ନୟାପଲ୍ଲୀ ସବର ସାହିରୁ ଜଣେ 54 ବର୍ଷୀୟ ଆକ୍ରାନ୍ତ ଚିହ୍ନଟ ହୋଇଛନ୍ତି । ନିକଟରେ ସେ ଚେନ୍ନାଇରୁ ଫେରିଥିବାର ଜଣାପଡିଛି।
ରସୁଲଗଡର ନେତାଜୀ ବିହାରରୁ ଜଣେ ଆକ୍ରାନ୍ତ ଚିହ୍ନଟ ହୋଇଛନ୍ତି । 47 ବର୍ଷୀୟ ବୟସ୍କ ଜଣକ ନିକଟରେ ଗୁରୁଗାଓଁଠାରୁ ଫେରିଥିଲେ ।
ସେହିପରି ୟୁନିଟ୍ 3, ମସଜିଦ୍ କଲୋନୀରୁ ଜଣେ ଆକ୍ରାନ୍ତ ଚିହ୍ନଟ ହୋଇଛନ୍ତି । ମହିଳାଙ୍କ ବୟସ 60 ବର୍ଷବୋଲି ଜଣାପଡିଛି । ତାଙ୍କର ଜଣେ ସମ୍ପର୍କୀୟ କୋଲକାତାରୁ ଫେରିଥିବାର ସୂଚନା ରହିଛି ।
ସେହିପରି ଡୁମାଡୁମା ଫେଜ୍ରୁ 1ରୁ ଜଣେ ଆକ୍ରାନ୍ତ ଚିହ୍ନଟ ହୋଇଛନ୍ତି । 22 ବର୍ଷୀୟ ଏହି ଆକ୍ରାନ୍ତ ଜଣକ ପୁନାରୁ ଫେରିଥିବାର ସୂଚନା ରହିଛି । କଳିଙ୍ଗ ବିବହାରର ଶୈଳବାଳା ଏନ୍କ୍ଲେଭ୍ରୁ ଜଣେ 34 ବର୍ଷୀୟ ପୁରୁଷ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେ ଓମାନରୁ ଫେରିଥିବାର ସୂଚନା ରହିଛି । ସେହିପରି ଯଦୁପୁର ବେଗୁନିଆ ମସଜିଦ୍ରୁ ଜଣେ ଆକ୍ରାନ୍ତ ଚିହ୍ନଟ ହୋଇଛନ୍ତି । 31 ବର୍ଷୀୟ ବ୍ୟକ୍ତି ଜଣକ ଦିଲ୍ଲୀରୁ ଫେରିଥିବାର ସୂଚନା ରହିଛି ।
ସେହିପରି ଆଜି ଭୁବନେଶ୍ବରରୁ ଚିହ୍ନଟ ହୋଇଥବା ଅନ୍ୟ ଦୁଇ ଆକ୍ରାନ୍ତ ଲୋକାଲ୍ କେସ୍ ବୋଲି ଜଣାପଡିଛି । ଏହି ଦୁଇ ଆକ୍ରାନ୍ତଙ୍କ ମଧ୍ୟରୁ ଜଣେ ପଳାଶୁଣି, କପିଳେଶ୍ବର ବିହାରର ବୋଲି ସୂଚନା ରହିଛି । ଆକ୍ରାନ୍ତଙ୍କ ବୟସ 25 ବର୍ଷ ବୋଲି ଜଣାପଡିଛି । ସେ ନିକଟରେ ଭଦ୍ରକରୁ ଫେରିଥିବାର ସୂଚନା ରହିଛି ।
ସେହିପରି ଅନ୍ୟ ଜଣେ ଆକ୍ରାନ୍ତଜଣକ ହେଉଛନ୍ତି 32 ବର୍ଷୀୟ ଯୁବକ । ସେ ଭୁବନେଶ୍ବରର ଏକ ପ୍ରାଇଭେଟ୍ ହସ୍ପିଟାଲରେ କାର୍ଯ୍ୟ କରନ୍ତି ବୋଲି ସୂଚନା ରହିଛି।
ନୂତନ ଆକ୍ରାନ୍ତଙ୍କୁ ମିଶାଇ ଭୁବନେଶ୍ବରରେ ମୋଟ୍ ଆକ୍ରାନ୍ତଙ୍କ ସଂଖ୍ୟା 122କୁ ବୃଦ୍ଧି ହୋଇଛି । ସେହିପରି 60 ଜଣ ସୁସ୍ଥ ହୋଇଛନ୍ତି । କରୋନା ଯୋଗୁଁ ତିନିଜଣଙ୍କର ମୃତ୍ୟୁ ଘଟିଥିବାବେଳେ ଏବେ ସୁଦ୍ଧା 58 ଜଣ ସକ୍ରିୟ ରହିଛନ୍ତି ।