ଭୁବନେଶ୍ବର: ଆଜି ଭୁବନେଶ୍ବର ସହରାଞ୍ଚଳରୁ ୯ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏହି ୯ ଜଣଙ୍କ ମଧ୍ୟରୁ ୪ ଜଣ କ୍ଵାରେଣ୍ଟିନ ଏବଂ ୫ ଜଣ ଲୋକାଲ କେଶ ବୋଲି ବିଏମସି ପ୍ରକାଶ କରିଛି। ଚନ୍ଦ୍ରଶେଖରପୁର ବିଡିଏ କଲୋନୀରୁ ଜଣେ ଏବଂ ଭୀମପୁରରୁ ଦୁଇ ଜଣ କ୍ଵାରେଣ୍ଟିନରେ ଥିଲେ। ଅନ୍ୟ ଜଣେ ସାଲିଆ ସାହିରୁ ଚିହ୍ନଟ ହୋଇଥିବାବେଳେ ଏହି ବ୍ୟକ୍ତି ଜଣଙ୍କ ମଧ୍ୟ କ୍ଵାରେଣ୍ଟିନରେ ଥିଲେ। ସେହିପରି ୫ ଜଣ ଲୋକାଲ କେଶ ମଧ୍ୟରୁ ତିନି ଜଣ କୋଭିଡ ହସ୍ପିଟାଲର କର୍ମଚାରୀ ବୋଲି ଜଣାପଡିଛି। ଏହି ତିନି ଜଣଙ୍କ ମଧ୍ୟରୁ ଦୁଇ ଜଣ ପୁରୁଷ ଏବଂ ଜଣେ ମହିଳା କର୍ମଚାରୀ। ଆଉ ବାକି ଦୁଇ ଜଣ ଲୋକାଲ କେଶ ଗୋଟିଏ ପରିବାରର ଗାଡକଣ ମହିମାନଗରର ବୋଲି ସୂଚନା ରହିଛି। ଏହି ଦୁଇ ଜଣ ପୂର୍ବ ଆକ୍ରାନ୍ତ ଘରୋଇ ହସ୍ପିଟାଲର ଜଣେ କର୍ମଚାରୀଙ୍କ ସମ୍ପର୍କୀୟ।
