ନୂଆଦିଲ୍ଲୀ : ଦେଶରେ କରୋନା ମାମଲା ହୁ ହୁ ହୋଇ ବଢି ଚାଲିଛି । ସ୍ବାସ୍ଥ୍ୟ ମନ୍ତ୍ରାଳୟ ତରଫରୁ ଜାରି ହୋଇଥିବା ସୂଚନା ଅନୁସାରେ ଗତ 24 ଘଣ୍ଟା ମଧ୍ୟରେ 13 ହଜାର 586 ଆକ୍ରାନ୍ତ ଚିହ୍ନଟ ହୋଇଥିବାବେଳେ 336ଜଣଙ୍କର ମୃତ୍ୟୁ ହୋଇଛି । ଏବେ ଦେଶରେ ସର୍ବମୋଟ୍ ଆକ୍ରାନ୍ତ ସଂଖ୍ୟା 3 ଲକ୍ଷ 80 ହଜାର 532ରେ ପହଞ୍ଚିଛି । ସେହିପରି ଦେଶରେ ସର୍ବମୋଟ ମୃ୍ତ୍ୟୁ ସଂଖ୍ୟା 12 ହଜାର 573ରେ ପହଞ୍ଚିଛି । ଆକ୍ଟିଭ୍ କେସ୍ – 1 ଲକ୍ଷ 63ହଜାର 248 ରହିଥିବାବେଳେ ସୁସ୍ଥ ହୋଇଛନ୍ତି 2 ଲକ୍ଷ 04 ହଜାର 711 ଜଣ।
କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ମିଳିଥିବା ସୂଚନା ଅନୁସାରେ ମହାରାଷ୍ଟ୍ରରେ 1 ଲକ୍ଷ 20 ହଜାର 504 ଆକ୍ରାନ୍ତ ହୋଇଥିବାବେଳେ 5751ଜଣଙ୍କ ମୃତ୍ୟୁ ହୋଇଛି । ସେହିପରି ଦିଲ୍ଲୀରେ 1969 ଜଣଙ୍କର ମୃତ୍ୟୁ ହୋଇଛି । ଗୁଜୁରାଟରେ 1591, ତାମିଲନାଡୁରେ 625, ପଶ୍ଚିମବଙ୍ଗରେ 518, ମଧ୍ୟପ୍ରଦେଶରେ 486, ଉତ୍ତରପ୍ରଦେଶରେ 465ଜଣଙ୍କ ମୃତ୍ୟୁ ହୋଇଛି ।