ଭୁବନେଶ୍ବର : ବ୍ଲୁ ହୁଇଲ୍ ହସ୍ପିଟାଲରୁ କରୋନା ଆକ୍ରାନ୍ତ ଚିହ୍ନଟ ହେବା ପରେ ଉକ୍ତ ହସ୍ପିଟାଲକୁ ସିଲ୍ କରାଯାଇଛି । ଏହା ପରେ ରାଜଧାନୀ ଭୁବନେଶ୍ବରର ଅନ୍ୟ ସବୁ ଘରୋଇ ହସ୍ପିଟାଲଗୁଡିକୁ ଯାଞ୍ଚ କରାଯାଉଛି। ବିଡିଏ, ବିଏମ୍ସି ଓ ସ୍ମାର୍ଟ ସିଟି ପକ୍ଷରୁ ମିଳିତ ବିଭିନ୍ନ ଘରୋଇ ହସ୍ପିଟାଲଗୁଡିକ ଉପରେ ମିଳିତ ଚଢାଉ କରାଯାଇଛି । ଘରୋଇ ହସ୍ପିଟାଲଗୁଡିକରେ କୋଭିଡ୍ ଗାଇଡ୍ ଲାଇନ୍ କିଭଳି ପାଳନ ହେଉଛି ସେ ନେଇ ଯାଞ୍ଚ କରାଯାଉଛି ।
ସୂଚନାଯୋଗ୍ୟ, ଗତକାଲି ଭୁବନେଶ୍ୱର ମଞ୍ଚେଶ୍ୱର ଅଞ୍ଚଳରେ ଥିବା ବ୍ଲୁ ହ୍ୱିଲ ହସ୍ପିଟାଲରୁ 27 ଜଣ ଆକ୍ରାନ୍ତ ଚିହ୍ନଟ ହୋଇଥିଲେ। ସେହିପରି କଟକ ଆଚାର୍ଯ୍ୟ ହରିହର କ୍ୟାନସର ହସ୍ପିଟାଲର ଜଣେ ରୋଗୀ କରୋନା ପଜିଟିଭ ଚିହ୍ନଟ ହୋଇଛନ୍ତି। ଏହି ରୋଗୀଙ୍କ ସଂକ୍ରମିତଙ୍କ ସଂସ୍ପର୍ଶରେ ଆସିଥିବା ଡାକ୍ତର ଓ ଷ୍ଟାଫ ଅଛନ୍ତି ଆଇସୋଲେସନରେ।
ଅନ୍ୟପକ୍ଷେ ରାଜ୍ୟରେ ଅଧିକ ସଂଖ୍ୟକ ସ୍ୱାସ୍ଥ୍ୟକର୍ମୀ କରୋନାରେ ଆକ୍ରାନ୍ତ ହେଉଥିବାରୁ ସଂକ୍ରମଣ ରୋକିବା ପାଇଁ DMET ପକ୍ଷରୁ ମାର୍ଗଦର୍ଶିକା ଜାରି କରାଯାଇଛି। ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ଜାରି ସମସ୍ତ ଗାଇଡ୍ଲାଇନ ପାଳିବାକୁ ସମସ୍ତ ହସ୍ପିଟାଲକୁ ଡିଏମ୍ଇଟି ପକ୍ଷରୁ ନିର୍ଦ୍ଦେଶ ଦିଆଯାଇଛି ।
