ଭୁବନେଶ୍ବର : କରୋନା କଟକଣାକୁ ବଢାଇଛି ଭୁବନେଶ୍ବର ମହାନଗର ନିଗମ। ଏବେ ସରକାରୀ କ୍ବାରେଣ୍ଟିନ୍କୁ ବାଧ୍ୟତାମୂଳକ କରିଛି ବିଏମ୍ସି।ଏଣିକି ହଟସ୍ପଟ୍ ଜିଲ୍ଲାରୁ ଆସୁଥିବା ଲୋକେ କ୍ବାରେଣ୍ଟିନ୍ରେ ରହିବେ। ହଟସ୍ପଟ୍ ଜିଲ୍ଲାରୁ ଫେରିଲେ ହୋମ୍ କ୍ବାରେଣ୍ଟିନ୍ରେ ରହିପାରିବେନି । ହଟସ୍ପଟରୁ ଆସୁଥିବା ଲୋକେ କ୍ବାରେଣ୍ଟିନ୍ରେ ରହିବେ ବୋଲି ବିଏମ୍ସି କମିଶନର ସୂଚନା ଦେଇଛନ୍ତି । ପୂର୍ବରୁ ବାହାର ଦେଶ ବା ରାଜ୍ୟରୁ ଆସିଲେ କ୍ବାରେଣ୍ଟିନ୍ ଯିବାକୁ ପଡୁଥିଲା ।
ଭୁବନେଶ୍ବରରେ କୋଭିଡ୍ ସ୍ଥିତିର ମୁକାବିଲା ପାଇଁ ପଦକ୍ଷେପ ନେଉଛି ବିଏମସି । ଏନେଇ ବିଏମସି ପକ୍ଷରୁ ପ୍ରେସମିଟରେ ସୂଚନା ଦିଆଯାଇଛି । ରାଜଧାନୀର 67ଟି ୱାର୍ଡରେ ୱାର୍ଡ କମିଟି ଗଠନ ହୋଇଛି । ପ୍ରତି ୱାର୍ଡ ସଚେତକ କମିଟିରେ 25ରୁ ଅଧିକ ଲୋକ ଅଛନ୍ତି । ଏଥିରେ ସ୍ୱେଚ୍ଛାସେବୀ, ମେଣ୍ଟର, ଡକ୍ଟର ଆଦି ରହିଛନ୍ତି
ରାଜଧାନୀରେ ରହିଥିବା ବସ୍ତି ଅଞ୍ଚଳକୁ ଅଧିକ ଗୁରୁତ୍ବ ଦିଆଯାଉଥିବାର ସୂଚନା ଦେଇଛନ୍ତି ବିଏମ୍ସି କମିଶନର । ରାଜଧାନୀର ଜନସଂଖ୍ୟାର ୩୩ ପ୍ରତିଶତ ହେଉଛି ବସ୍ତି ଅଞ୍ଚଳ । ସେଥିପାଇଁ ବସ୍ତି ଅଞ୍ଚଳ ଉପରେ ବିଏମସି ସ୍ୱତନ୍ତ୍ର ଧ୍ୟାନ ଦେଇଛି । ବସ୍ତି ଅଞ୍ଚଳରେ ହୋମ୍ କ୍ୱାରେଣ୍ଟାଇନ୍ ବ୍ୟବସ୍ଥା ନାହିଁ । ସରକାରୀ କ୍ୱାରେଣ୍ଟାଇନରେ 14 ଦିନ ରଖାଯାଉଛି । ବସ୍ତି ଅଞ୍ଚଳରେ ସର୍ଭେ କରାଯାଉଛି । କାହାର ଲକ୍ଷଣ ଦେଖାଗଲେ ତାଙ୍କୁ କ୍ୱାରେଣ୍ଟାଇନରେ ରଖାଯାଇ ଟେଷ୍ଟିଂ କରାଯାଉଛି ।
ସେହିପରି ସୁବାସ୍ ନଗର ବସ୍ତିରେ ଆଉ ନୂତନ ପଜିଟିଭ୍ ନାହିଁ ବୋଲି ସୂଚନା ଦେଇଛନ୍ତି କମିଶନର । ସୁବାସ ନଗର ବସ୍ତିରେ 6ଟି ପଜିଟିଭ୍ କେସ୍ ଆସିବା ପରେ କଣ୍ଟେନମେଣ୍ଟ ଜୋନ୍ ଘୋଷଣା କରାଯାଇଥିଲା । ଏହି ଅଞ୍ଚଳକୁ କଣ୍ଟେନେମଣ୍ଟ କରି ଏଯାଏ 6 ରାଉଣ୍ଡ ଆକ୍ଟିଭ୍ସର୍ଭେଲାନ୍ସ କରାଯାଇଛି । ସେହିପରି ଆକ୍ରାନ୍ତଙ୍କ କଣ୍ଟାକ୍ଟରେ ଆସିଥିବା 61ଟି ସାମ୍ପଲ୍ ପରୀକ୍ଷା କରାଯାଇଥିଲା। ଟେଷ୍ଟ ହୋଇଥିବା ସମସ୍ତ 61ଟି ନମୁନା ନେଗେଟିଭ୍ ଆସିଛି । ସାଲିଆ ସାହିରେ ବି 5 ଶହ ସାମ୍ପଲ୍ ଟେଷ୍ଟ ହୋଇଛି । ସମସ୍ତ ଟେଷ୍ଟ ନେଗେଟିଭ୍ ରହିଛି ବୋଲି ସୂଚନା ଦେଇଛନ୍ତି ବିଏମ୍ସି କମିଶନର ।
ସିଲ୍ ହୋଇଥବା ଘରୋଇ ହସ୍ପିଟାଲରେ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ହୋଇଛି ବୋଲି ସୂଚନା ରହିଛି । ଆଜି ସୁଦ୍ଧା ମୋଟ୍ 39 ଜଣ ଆକ୍ରାନ୍ତ ହୋଇଥିବାର କହିଛନ୍ତି ବିଏମ୍ସି କମିଶନର । ଉକ୍ତ ହସ୍ପିଟାଲକୁ ସିଲ୍ କରାଯାଇଛି । ଅନ୍ୟ ହସ୍ପିଟଲଗୁଡିକର ଯାଞ୍ଚ କରାଯାଉଛି । ଏଯାଏ ଭୁବନେଶ୍ବରରୁ ମୋଟ୍ 274 ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହିଆକ୍ରାନ୍ତଙ୍କ ମଧ୍ୟରୁ 129ଜଣ ସୁସ୍ଥ ହୋଇଥିବାବେଳେ 3 ଜଣଙ୍କର ମୃତ୍ୟୁ ହୋଇଛି ଏବେ ସୁଦ୍ଧା 132ଟି ଆକ୍ଟଇଭ୍ କେସ୍ ରହିଛି । ଏହି 132ଟି ଆକ୍ଟିଭ୍ କେ୍ସ୍ ମଧ୍ୟରୁ 25 ଜଣ ଅନ୍ୟ ରାଜ୍ୟରୁ ଆସିଥିବା ଶ୍ରମିକ ରହିଛନ୍ତି ।
ସେହିପରି ଭୁବନେଶ୍ବରୁ 8681ଜଣ ଫେରିଥିବାବେଳେ 2791 ଜଣ ଏବେବି କ୍ବାରେଣ୍ଟିନ୍ରେ ରହିଥିବାର ସୂଚନା ଦେଇଛନ୍ତି ବିଏମ୍ସି କମିଶନର ।
