ପାରଳାଖେମୁଣ୍ଡି, ଗଜପତି ଜିଲ୍ଲାପାଳ ଆଜି ପାରଳାଖେମୁଣ୍ଡି ସହରରୁ 3 ଦିନ ପାଇଁ ସଟଡାଉନ ଘୋଷଣା କରିଛନ୍ତି। ଶୁକ୍ରବାର, ଶନିବାର ଓ ରବିବାର ଦିନ ସହର ସଟଡାଉନ ରହିବ। କରୋନା ସଂକ୍ରମଣ ବଢୁଥିବାରୁ ଜିଲ୍ଲାପାଳ ଏହି ପଦକ୍ଷେପ ନେଇଛନ୍ତି। ପାରଳାଖେମୁଣ୍ଡି ସହରକୁ ସଂଯୋଗ କରୁଥିବା ସବୁ ରାସ୍ତା ସିଲ୍ ରହିବ। 60ଟି ମେଡିକାଲ ଟିମ୍ ଦ୍ବାରା ସହରରେ ସ୍କ୍ରିନିଂ କରାଯିବ।
ପାରଳାଖେମୁଣ୍ଡି ଏକ ସୀମାନ୍ତ ସହର ହୋଇଥିବାରୁ ଆନ୍ଧ୍ର ପ୍ରଦେଶର ବିଭିନ୍ନ ଅଞ୍ଚଳକୁ ଏଠାରୁ ରାସ୍ତା ସଂଯୋଗ ରହିଛି। ତେଣୁ ସହରର ସମସ୍ତ ପ୍ରବେଶ ପଥକୁ ସିଲ୍ କରିବାକୁ ଜିଲ୍ଲାପାଳ ଆଦେଶ ଦେଇଛନ୍ତ୍ରି। ଗଜପତ ଜିଲ୍ଲାରେ ସଂକ୍ରମିତଙ୍କ ସଂଖ୍ୟା 521 ଥିବା ବେଳେ 362 ଜଣ ସୁସ୍ଥ ହୋଇଛନ୍ତି ଏବଂ 158 ଜଣ ଆକ୍ଟିଭ କେସ୍ ରହିଛି। ଜିଲ୍ଲାରେ ଜଣଙ୍କର ମୃତ୍ୟୁ ହୋଇଛି।
Tags: ପାରଳା ସଟଡାଉନ, ପାରଳାଖେମୁଣ୍ଡି
