ଭୁବନେଶ୍ବର : ଆଜି ଭୁବନେଶ୍ବରର 38 ପଜିଟିଭ୍ ଚିହ୍ନଟ ହୋଇଛନ୍ତି । ମୋଟ୍ 38 ପଜିଟିଭ୍ଙ୍କ ମଧ୍ୟରୁ 26ଜଣ କ୍ବାରେଣ୍ଟାଇନ୍ କେସ୍ ଥିବାବେଳେ 12 ଜଣ ଲୋକାଲ୍ କଣ୍ଟାକ୍ଟ କେସ୍ ବୋଲି ସୂଚନା ଦେଇଛି ବିଏମ୍ସି ।
ଆଜି ଚିହ୍ନଟ ହୋଇଥିବା 12 ଲୋକାଲ୍ଙ୍କ ମଧ୍ୟରୁ କଳିଙ୍ଗନଗର କୋଳଥିଆରୁ ଜଣେ ରହିଥିବାବେଳେ ପୋଖରୀପୁଟ କାର୍ଗିଲ୍ ବସ୍ତିରୁ ଜଣେ 40 ବର୍ଷୀୟ ପୁରୁଷ ରହିଛନ୍ତି । ଭୀମଟାଙ୍ଗି ହାଉସିଂ ବୋର୍ଡ କଲୋନୀରୁ ଜଣେ 57 ବର୍ଷୀୟ ପୁରୁଷ ଚିହ୍ନଟ ହୋଇଛନ୍ତି । ସେହିପରି ଚନ୍ଦ୍ରଶେଖରପୁର ବିଡିଏ କଲୋନୀରୁ ଦୁଇଜଣ ଚିହ୍ନଟ ହୋଇଛନ୍ତି । ସେହିପରି ଗଙ୍ଗନଗରରୁ ତିନି ଜଣ ଚିହ୍ନଟ ହୋଇଛନ୍ତି । ନୀଳାଦ୍ରିବିହାର ଅଞ୍ଚଳର ମଧ୍ୟ ତିନିଜଣ ଚିହ୍ନଟ ହୋଇଥିବାବେଳେ ନୟାପଲ୍ଲୀରୁ ଜଣେ ଆକ୍ରାନ୍ତ ଚିହ୍ନଟ ହୋଇଛନ୍ତି ।
ସେହିପରି ହୋମ୍ କ୍ବାରେଣ୍ଟିନ୍ରୁ ରହିଥିବା 26 ଜଣଙ୍କ ମଧ୍ୟରୁ ବରମୁଣ୍ଡାରୁ ଜଣେ 66 ବର୍ଷୀୟ ବ୍ୟକ୍ତି ଥିବାବେଳେ ଶାସ୍ତ୍ରୀନଗରରୁ 50 ବର୍ଷୀୟ ପୁରୁଷ, କ୍ବାରେଣ୍ଟାଇନ୍ ସେଣ୍ଟରରୁ ଜଣେ 40 ବର୍ଷୀୟା ମହିଳା, ବିଜେବି ନଗରରୁ ତିନିଜଣ ରହିଥିବାବେଳେ ଶୈଳୀଶ୍ରୀବିହାରର ଜଣେ 29 ବର୍ଷୀୟା ମହିଳା ରହିଛନ୍ତି । ସେହିପରି ଘରୋଇ ହସ୍ପିଟାଲର ତିନିଜଣ ମହିଳା କର୍ମଚାରୀ ରହିଛନ୍ତି ।
ସେହିପରି ଶିଖରଚଣ୍ଡୀ ବସ୍ତିରୁ ଜଣେ 33 ବର୍ଷୀୟ ପୁରୁଷ ଥିବାବେଳେ ମଞ୍ଚେଶ୍ବର ଅଞ୍ଚଳରୁ 70 ବର୍ଷୀୟ ବୃଦ୍ଧ, କେଦାରଗୌରୀ ବିହାରରୁ ଜଣେ 19 ବର୍ଷୀୟ ଯୁବକ, ଚନ୍ଦ୍ରଶେଖରପୁର ବିଡିଏ କଲୋନୀରୁ 49 ବର୍ଷୀୟ ପୁରୁଷ , ଆଉ ଜଣେ ଚନ୍ଦ୍ରଶେଖରପୁରରୁ 62 ବର୍ଷୀୟ ବ୍ୟକ୍ତି ଥିବାବେଳେ ସେଣ୍ଟ୍ରାଲ୍ ସରକାରୀ ହସ୍ପିଟାଲରୁ ଜଣେ 27 ବର୍ଷୀୟା ମହିଳା କର୍ମଚାରୀ ରହିଛନ୍ତି । ଅନ୍ୟ ଜଣେ କ୍ବାରେଣ୍ଟାଇନ୍ ସେଣ୍ଟରରେ ରହୁଥିବା 35 ବର୍ଷୀୟ ଯୁବକ ଥିବାବେଳେ ରସୁଲଗଡ ପାଲାମଣ୍ଡପ ନିକଟରୁ 23 ବର୍ଷୀୟା ଯୁବତୀ, କଳିଙ୍ଗବିହାର ଅଞ୍ଚଳରୁ 23 ବର୍ଷୀୟା ଯୁବତୀ ଚିହ୍ନଟ ହୋଇଥିବାବେଳେ କଳିଙ୍ଗନଗର, ସମ୍ ହସ୍ପିଟାଲ ନିକଟରୁ ତିନିଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ପଳାଶୁଣୀରୁ ଜଣେ 53 ବର୍ଷୀୟ ପୁରୁଷ ରହିଥିବାବେଳେ ନୟାପଲ୍ଲୀରୁ 23 ବର୍ଷୀୟ ଯୁବକ ରହିଛନ୍ତି। ସେହିପରି କ୍ବାରେଣ୍ଟାଇନ୍ ସେଣ୍ଟରରୁ 48 ବର୍ଷୀୟା ପୁରୁଷ ରହିଥିବାବେଳେ ଆଚାର୍ଯ୍ୟବିହାରୁ ଜଣେ 25 ବର୍ଷୀୟା ଯୁବତୀ ରହିଛନ୍ତି ।
ସେହିପରି ଆଜି ଭୁବନେଶ୍ବରରୁ 6 ଜଣ ସୁସ୍ଥ ହୋଇଥିବାର ସୂଚନା ରହିଛି । ନୂତନ 38ଟି ଆକ୍ରାନ୍ତଙ୍କୁ ମିଶାଇ ଭୁବନେଶ୍ବରରରେ ମୋଟ୍ ପଜିଟିଭ୍ଙ୍କ ସଂଖ୍ୟା 640ରେ ପହଞ୍ଚିଛି । ସେହିପରି ଭୁବନେଶ୍ବରରରେ କରୋନା ଜନିତ ମୃତ୍ୟୁ ସଂଖ୍ୟା 8କୁବୃଦ୍ଧି ହୋଇଥିବାବେଳେ ସୁସ୍ଥ ହୋଇଛନ୍ତି 314 ଜଣ । ସେହିପରି ଭୁବନେଶ୍ବରର ସହରରେ ଏବେ ସୁଦ୍ଧା 317ଜଣ ସକ୍ରିୟ ଆକ୍ରାନ୍ତ ରହିଛନ୍ତି ।