ଭୁବନେଶ୍ବର : ଆଜି ପୁଣି 6 ଜଣଙ୍କ ଜୀବନ ନେଇଛି କରୋନା । 6 ମୃତକଙ୍କ ମଧ୍ୟରୁ ଗଞ୍ଜାମରୁ 3 ଜଣ, ରାୟଗଡା, ଗଜପତି ଓ ଭଦ୍ରକରୁ ଜଣେ ଲେଖାଏଁ ରହିଛନ୍ତି ବୋଲି ରାଜ୍ୟ ସ୍ବାସ୍ଥ୍ୟ ଓ ପାଣିପାଗ ବିଭାଗ ସୂଚନା ଦେଇଛି । ଆଜି ମୃତକଙ୍କ ମଧ୍ୟରେ 4 ଜଣ ପୁରୁଷ ଓ 2 ଜଣ ମହିଳା ରହିଛନ୍ତି ।
ଗଞ୍ଜାମରୁ ଆଜି ତିନିଜଣଙ୍କ ମୃତ୍ୟୁ ହୋଇଥିବାବେଳେ ମୃତକଙ୍କ ମଧ୍ୟରେ ଜଣେ ପୁରୁଷ ଓ 2 ଜଣ ମହିଳା ରହିଛନ୍ତି । ମୃତକଙ୍କ ମଧ୍ୟରେ 44 ବର୍ଷୀୟ ପୁରୁଷ ଥିବାବେଳେ ମୃତ ମହିଳାଙ୍କ ବୟସ ଯଥାକ୍ରମେ 59 ଓ 50 ବର୍ଷ ବୋଲି ସୂଚନା ରହିଛି। ସେହିପରି ରାୟଗଡାରୁ ମୃତ୍ୟୁବରଣ କରିଥିବା ମୃତକଙ୍କ ବୟସ 71 ବର୍ଷ ବୋଲି ସୂଚନା ରହିଛି ।
ଗଜପତିରୁ 53 ବର୍ଷୀୟ ପୁରୁଷଙ୍କ ମୃତ୍ୟୁ ହୋଇଥିବାବେଳେ ଭଦ୍ରକରୁ 60 ବର୍ଷୀୟ ଜଣେ ପୁରୁଷଙ୍କର ମୃତ୍ୟୁ ହୋଇଛି ।
ଆଜିର ମୃତକଙ୍କୁ ମିଶାଇ ରାଜ୍ୟରେ କରୋନା ଜନିତ ମୃତ୍ୟୁ ସଂଖ୍ୟା 120କୁ ବୃଦ୍ଧି ହୋଇଛି । ସେହିପରି ଗଞ୍ଜାମରେ 70କୁ ବୃଦ୍ଧି ହୋଇଛି ।
Tags:
