ପୁରୀ : ସରକାରୀ କୋଭିଡ୍ ଟେଷ୍ଟ ରିପୋର୍ଟରେ ଅନିୟମିତତା ହେଉଥିବାର ଅଭିଯୋଗ ଆସୁଛି । ଭୁବନେଶ୍ବରସ୍ଥିତ ଖଣ୍ଡଗିରି ଅଞ୍ଚଳରୁ ଏପରି ଏକ ଖବର ସାମ୍ନାକୁ ଆସିବା ପରେ ରାଜ୍ୟର ଅନ୍ୟ ସମସ୍ତ ଜିଲ୍ଲାରୁ ମଧ୍ୟ ଏହିପରି ଏକ ଖବର ଶୁଣିବାକୁ ମିଳିଛି । ନିକଟରେ ବାଣପୁର ଅଞ୍ଚଳରେ ମଧ୍ୟ କରୋନା ରିପୋର୍ଟରେ ଭୁଲ୍ଭାଲ୍ ତଥ୍ୟ ରହୁଥିବାର ଖବର ପ୍ରକାଶ ପାଇଥିଲା । ସେହିପରି ଆଜି ପୁରୀ ଅଞ୍ଚଳରୁ କରୋନା ରିପୋର୍ଟକୁ ନେଇ ସାଧାରଣ ଲୋକେ ବିରୋଧ କରିବା ସହିତ ସ୍ବାବ୍ ନମୁନା ଦେଖାଇବାକୁ ଦାବି ଜଣାଇଛନ୍ତି ।
ସ୍ବାବ୍ ରିପୋର୍ଟ ନ ଦେଖିଲେ, ହସ୍ପିଟାଲ ଯିବୁନି ବୋଲି ଲୋକେ ଅଡି ବସିଛନ୍ତି । ଏପରି ଏକ ଘଟଣା ଦେଖିବାକୁ ମିଳିଛି ପୁରୀ ପେଣ୍ଟକଟା ଠାରେ । ପୁରୀ ପେଣ୍ଠକଟା ଲୋକଙ୍କ ଏନେଇ ଦାବି ପରେ ପ୍ରଶାସନ ସହ ଆଲୋଚନା ଚାଲିଛି । ଲକ୍ଷଣ ନଥିବା ଲୋକଙ୍କୁ ପଜିଟିଭ୍ କହି ଉଠାଇ ନିଆଯାଉଥିବାର ଅଭିଯୋଗ କରିଛନ୍ତି ଏହି ଅଞ୍ଚଳବାସୀ । ରିପୋର୍ଟ ନ ଦେଖାଇଲେ ଆଉ କାହାକୁ ପ୍ରଶାସନ ସହ ନ ଛାଡିବାକୁ ଚେତାବନୀ ଦେଇଛି ।
Tags: swab test report
