ଗୌତମବୁଦ୍ଧନଗର : ସବୁଠୁ ବିଶ୍ବସ୍ତ ପ୍ରାଣୀ ହେଉଛନ୍ତି କୁକୁର । କୁକୁରକୁ ସମେସ୍ତ ଘରେ ପୋଷିବାକୁ ଭଲପାଇଥାନ୍ତି । ତେବେ ଆପଣ ଯଦି କୁକୁର ପ୍ରେମୀ ତେବେ ଜାଣି ରଖନ୍ତୁ ଏବେ କୁକୁରକୁ ପାଳିବା ବଡ ମହଙ୍ଗା ସାବ୍ୟସ୍ତ ହେବ । ଏଥିପାଇଁ ସରକାର ନୂଆ ଯୋଜନା ଆଣିଛନ୍ତି । ତେବେ ଆସନ୍ତୁ ଜାଣିବା କୁକୁର ପାଇଁ କେଉଁଠି ଓ କ’ଣ ଯୋଜନା ପ୍ରସ୍ତୁତ ହୋଇଛି ।
ନୋଏଡା ପ୍ରାଧିକରଣ ଏବେ କୁକୁର ପାଳନକୁ ନେଇ ଏକ ନୂଆ ନୀତି ପ୍ରସ୍ତୁତ କରିଛନ୍ତି । ଏବେ କୁକୁର ପାଳିବା ପାଇଁ ଏକ ରେଜିଷ୍ଟ୍ରେସନ କରିବାକୁ ପଡିବ । ଏହି ରେଜିଷ୍ଟ୍ରେସନ ଫିସ୍ 500ଟଙ୍କା ରହିଛି । ଏହାସହିତ ଏହି ରେଜିଷ୍ଟ୍ରସେନକୁ ପ୍ରତ୍ୟେକ ବର୍ଷ ନବୀକରଣ କରିବାକୁ ପଡିବ । ଯଦି କେହି ରେଜିଷ୍ଟ୍ରେସନ ବା ପଞ୍ଜୀକରଣ ନକରନ୍ତି ତେବେ ସମ୍ପୃକ୍ତ ମାଲିକଙ୍କୁ ଜରିମାନା ଦେବାକୁ ପଡିବ ।
ଏହି ଯୋଜନାକୁ ପେଟ୍ ଡଗ୍ ରେଜିଷ୍ଟ୍ରେସନ୍ ସ୍କିମ୍ ନାମ ଦିଆଯିବା ନେଇ ସୂଚନା ରହିଛି । ଏହି ଯୋଜନାକୁ ସୂଚାରୁ ରୂପେ ଚଳାଇବା ପାଇଁ ନୋଏଡା ପ୍ରାଧିକରଣ ଏଜେନ୍ସିର ଚୟନ ଆରମ୍ଭ କରିଛି । ଏହି ଏଜେନ୍ସି ଜିଲ୍ଲାର ସମସ୍ତ ପାଳିତ କୁକୁରଙ୍କ ସଂଖ୍ୟା ହିସାବ ରଖିବା ସହିତ ତାଙ୍କୁ ଠିକ୍ ସମୟରେ ଭ୍ୟାକ୍ସିନ୍ ଦିଆଯାଉଛି କ ନାହିଁ ତାହାର ତଦାରଖ କରିବେ । ସେହିପରି ପାଳିତ କୁକୁରଙ୍କ ସମସ୍ତ ତଥ୍ୟ ମଧ୍ୟ ରଖିବେ । ଏଥିପାଇଁ ସମସ୍ତ ପାଳିତ କୁକୁରଙ୍କ ଗଳାରେ ଏକ ଦଉଡି ବନ୍ଧା ଯିବାସହ ଏଥିରେ ଏକ ଚିପ୍ ଲଗାଯିବ । ଯେମିତି ପାଳିତ କୁକୁରଙ୍କୁ ସହଜରେ ଚିହ୍ନିତ ହୋଇପାରିବେ ।
ପ୍ରାୟ ସମୟରେ ଦେଖାଯାଇଥାଏ ଯେ, କୁକୁର ବୁଢା ହୋଇଗଲେ ମାଲିକ ତାଙ୍କୁ ଘରୁ ତଡି ଦେଇଥାନ୍ତି । ସେହିପରି ଆଉ କୁକୁର ମାଲିକଙ୍କ ପ୍ରରୋଚନାରେ ପଡି ହିଂସ୍ରକ ହୋଇଥାନ୍ତି । ଏହି ପଞ୍ଜୀକରଣ ଜରିଆରେ ଏହି ସମସ୍ତ କୁକୁର ଉପରେ ନଜର ରଖାଯିବା ସହିତ କୁକୁର ଯୋଗୁଁ ହେଉଥିବା ସମସ୍ୟାର ସମାଧାନ ହୋଇପାରିବ ବୋଲି ଆଶା ରଖିଛନ୍ତି ନୋଏଡା ପ୍ରାଧିକରଣ । (ଏଜେନ୍ସି)