ରମେଶ ମହାନ୍ତି
ଜଗତସିଂହପୁର: ପୁରୀ ଶ୍ରୀ ଜଗନ୍ନାଥଙ୍କ ସମ୍ପତି ବଗଲା ଧର୍ମଶାଳାକୁ ପୁରୀ ଜିଲ୍ଲାପାଳ ବେଆଇନ ଭାବରେ ବିକ୍ରି କରିବା ପ୍ରତିବାଦରେ ଶ୍ରୀ ଜଗନ୍ନାଥ ଚେତନା ସୁରକ୍ଷା ଅଭିଯାନ ପକ୍ଷରୁ ଜଗତସିଂହପୁର ଜ଼ିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଏକ ପ୍ରତିବାଦ ସଭା ସଂଯୋଜକ ସରୋଜ କୁମାର ନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ଅଭିଯୋଗ ଅନୁଯାୟୀ ୧୯୦୫ ମସିହାରେ କହ୍ନେଇଲାଲ୍ ବଗଲା ଏହାକୁ ନିର୍ମାଣ କରି ଶ୍ରୀ ଜଗନ୍ନାଥ ମହାପ୍ରଭଙ୍କୁୁ ଦାନ କରିଥିଲେ। ଶ୍ରୀ ଜଗନ୍ନାଥଙ୍କୁ ଦର୍ଶନ କରିବା ପାଇଁ ଆସୁଥିବା ଭକ୍ତ ମାନଙ୍କୁ ସ୍ୱଳ୍ପ ମୁଲ୍ୟରେ ରହିବା ସୁବିଧା ଯୋଗାଇଦେବା ପାଇଁ ଏହାକୁ ଶ୍ରୀ କହ୍ନେଇଲାଲ୍ ନିର୍ମାଣ କରିଥିଲେ। ଭକ୍ତମାନେ ମଧ୍ୟ ଏକଶହ ବର୍ଷ ହେଲା ସ୍ୱଳ୍ପ ମୁଲ୍ୟରେ ରହିଆସୁଥିଲେ।
ପରବର୍ତ୍ତୀ ସମୟରେ ପୁରୀ ଜିଲ୍ଲାପାଳ ଏହାର ପରିଚାଳନା ଦାୟିତ୍ବ ନେଇଥିଲେ। କିନ୍ତୁ ଦୁଃଖରେ ବିଷୟ ପୁରୀ ଜିଲ୍ଲାପାଳ ଅଗଷ୍ଟ ୫ରୁ ୧୨ତାରିଖ ମଧ୍ୟରେ ଏହି ଜମିର କିଛି ଅଂଶ ୬ଭାଗକରି ବିକ୍ରି କବଲା ହୋଇଥିବା ବେଳେ ଅପରପକ୍ଷରେ କେନ୍ଦ୍ର ସରକାରଙ୍କ ପର୍ଯ୍ୟଟନ ବିଭାଗ ପ୍ରସାଦ ଯୋଜନାରେ ୧୮କୋଟି ଟଙ୍କା ବଗଲା ଧର୍ମଶାଳାର ଉନ୍ନତି କରଣ ପାଇଁ ଦେଇଛନ୍ତି। ପ୍ରାୟ ୧୬କୋଟି ଟଙ୍କା ଖର୍ଚ୍ଚ ହୋଇପାରିନଥିବା ଅଭିଯୋଗ ହୋଇଛି।
ଏହି ବେଆଇନ୍ ଜମିବିକ୍ରି ପ୍ରତିବାଦରେ ଆଜି ଜଗନ୍ନାଥ ଚେତନା ସୁରକ୍ଷା ଅଭିଯାନର କର୍ମକର୍ତ୍ତା ଅରୁଣ କୁମାର ଆଚାର୍ଯ୍ୟ, ଅଜୟ କୁମାର ଜେନା, ମାନସ ରଞ୍ଜନ ସ୍ୱାଇଁ, ବୀରବର ଦଳାଇ,ବେଣୁଧର ନାୟକ ସୁବାସ ସ୍ୱାଇଁ ପ୍ରମୁଖ ଯୋଗଦେଇ ପୁରୀ ଜ଼ିଲ୍ଲାପାଳଙ୍କ ଏଭଳି କାର୍ଯ୍ୟ କୁ ଘୋର ନିନ୍ଦା କରିବା ସହିତ କଟୁ ସମାଲୋଚନା କରି ଜଗତସିଂହପୁର ଜ଼ିଲ୍ଲାପାଳଙ୍କ ଜରିଆରେ ମୁଖ୍ୟମନ୍ତ୍ରୀଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି।
