ଦେଶ ପାଇଁ ଜୀବନ ଉତ୍ସର୍ଗ କରିଥିବା ଦୁଇଜଣ ଓଡ଼ିଆ ଯବାନଙ୍କୁ ରାଷ୍ଟ୍ରପତି ରାମନାଥ କୋବିନ୍ଦ ମରଣୋତ୍ତର କୀର୍ତ୍ତି ଚକ୍ର ସମ୍ମାନ ପ୍ରଦାନ କରିଛନ୍ତି। ସିପାହୀ ବିଜୟ କୁମାର ଏବଂ ସିଆରପିଏଫ୍ କନଷ୍ଟେବଳ ପ୍ରଦୀପ କୁମାର ପଣ୍ଡାଙ୍କୁ ମରଣୋତ୍ତର ସମ୍ମାନ ପ୍ରଦାନ କରାଯାଇଛି। ପ୍ରଦୀପ ପଣ୍ଡାଙ୍କ ପତ୍ନୀ ରାଷ୍ଟ୍ରପତିଙ୍କଠାରୁ ସମ୍ମାନଜନକ କୀର୍ତ୍ତି ଚକ୍ର ସମ୍ମାନ ଗ୍ରହଣ କରିଛନ୍ତି। ବିଜୟ କୁମାର ଏବଂ ପ୍ରଦୀପ କୁମାର ପଣ୍ଡା ଉଭୟ ଜମ୍ମୁ-କାଶ୍ମୀରରେ ଆତଙ୍କବାଦୀ ଆକ୍ରମଣରେ ସହିଦ ହୋଇଥିଲେ।
