ମହାରାଷ୍ଟ୍ର : ମହାରାଷ୍ଟ୍ରର ଭିଓ୍ବଣ୍ଡିରେ ଏକ ଅଘଟଣ ଘଟିଯାଇଛି । ଏଠାରେଏକ ତିନିମହଲା କୋଠା ଭୁଶୁଡି ପଡିଛି । କୋଠା ଭୁଶୁଡିବା ଯୋଗୁଁ 10 ଜଣଙ୍କର ମୃତ୍ୟୁ ହୋଇଥିବାର ସୂଚନାରହିଛି । ସକାଳ ସକାଳୁ ଏହି ଦୁର୍ଘଟଣା ଘଟିଥିବାବେଳେ ଏହି ଦୁର୍ଘଟଣାରେ 11 ଜଣ ଆହତ ହୋଇଥିବାବେଳେ 20 ଜଣଙ୍କୁ ସୁରକ୍ଷିତ ଉଦ୍ଧାର କରାଯାଇଛି । ଉଦ୍ଧାର କାର୍ଯ୍ୟ ଜାରି ରହିଥିବାବେଳେ କୋଠାର ଭଗ୍ନାବଶେଷରେ ଅନେକ ଲୋକ ଚାପି ହୋଇ ରହିଥିବାର ସନ୍ଦେହ କରାଯାଉଛି । 1984 ମସିହାରେ ନିର୍ମିତ ହୋଇଥିବା ଜିଲାନୀ ଆପାର୍ଟମେଣ୍ଟର ଏକ ଘରର ଅଧା ଅଂଶ ବିଳମ୍ବିତ ରାତ୍ରିରେ ଭୁଶୁଡି ପଡିଥିଲା । ଏହି ବିଲିଡିଂରେ ମୋଟ୍ 40ଟି ଫ୍ଲାଟ୍ ରହିଥିବାବେଳେ ଏହି ବିଲିଡିଂରେ 150ରୁ ଅଧିକ ଲୋକେ ରହୁଥିବାର ସୂଚନା ରହିଛି । (ଏଜେନ୍ସି)
