ଭୁବନେଶ୍ବର : ସାଂସଦ ଅପରାଜିତାଙ୍କ ଅଫିସ୍ ସିଲ୍ ହେବା ପରେ ଅପରାଜିତା ଏନେଇ ପ୍ରତିକ୍ରିୟା ରଖିଛନ୍ତି । ବିଜେପି ସାଂସଦ ଅପରାଜିତା ଷଡଙ୍ଗୀ ବିଜେଡି ପାର୍ଟି ଅଫିସ୍ କେବେ ସିଲ୍ ହେବ ସେନେଇ ପ୍ରଶ୍ନ କରିଛନ୍ତି । ଏନେଇ ସେ ମୁଖ୍ୟମନ୍ତ୍ରୀଙ୍କ ନିକଟକୁ ଚିଠି ଲେଖିବେ ବୋଲି କହିଛନ୍ତି । ନିୟମ ଭାଙ୍ଗୁଥିବା ବିଜେଡି ନେତାଙ୍କ କେବେ କାର୍ଯ୍ୟାନୁଷ୍ଠାନ ହେବ ବୋଲି ସେ ପ୍ରଶ୍ନ କରିଛନ୍ତି । ସରକାର 15 ଦିନ ଭିତରେ କାର୍ଯ୍ୟାନୁଷ୍ଠାନ ଗ୍ରହଣ କରନ୍ତୁବୋଲି କହିଛନ୍ତି ଅପରାଜିତା । ଅଫିସ୍ ସିଲ୍ ହେବା ପରେ ଅଫିସ୍ସାମ୍ନାରେ ବାହାରେ ବସି ପ୍ରେସ୍ମିଯ୍ କରିଛନ୍ତି ଅପରାଜିତା । ଏହି ଅବସରରେ 17ଟି ଫଟୋ ଏବଂ ଗୋଟିଏ ଭିଡିଓ ଦେଖାଇଛନ୍ତି ଅପରାଜିତା । ବିଜେଡି ଅଫିସ୍, ମହାରଥୀଙ୍କ ଶେଷକୃତ୍ୟ ଗହଳିର ଫଟୋ ଦେଖାଇଛନ୍ତି । ମହାରଥୀଙ୍କ ଶେଷ ଦର୍ଶନଙ୍କ ଯାଇଥିବା ମନ୍ତ୍ରୀ ସମୀର ଦାଶ ମାସ୍କ ପିନ୍ଧିନଥିଲେ । ସେହିପରି ତିର୍ତ୍ତୋଲ ବିଜେଡି ମିଟିଂରେ ନେତାଙ୍କ ସହ ତିନିଶହ ଲୋକ ମାସ୍କ ପିନ୍ଧିନଥିଲେ ବୋଲି କହିଛନ୍ତି ଅପରାଜିତା । ଏନେଇ କୌଣସି କାର୍ଯ୍ୟାନୁଷ୍ଠାନ ହୋଇନାହିଁ । ତେବେ ଆକ୍ରୋଶ ମୂଳକ ମନୋଭାବ ରଖାନଯାଉ ବୋଲି କହିଛନ୍ତି ଅପରାଜିତା । 7ମାସରେ 2/3ଟି ଭର୍ଚୁଆଲ ମିଟିଂ କରି ଶାସନ ଚାଲିପାରିବ ନାହିଁ । ଲୋକଙ୍କ ପାଇଁ ସବୁବେଳେ କାମ କରିବାକୁ ଇଚ୍ଛା ରଖିଛି ତେଣୁ କୌଣସି ବାଧା ବିକାଶ କାମକୁ ଅଟକାଇପାରିବ ନାହିଁ ବୋଲି କହିଛନ୍ତି ଅପରାଜିତା । ଜନ୍ମଦିନରେ ଜଣେ ମହିଳାଙ୍କ ଅନୁରୋଧରେ 2 ମିନିଟ୍ ପାଇଁ ମାସ୍କ ଖସାଇଥିଲେ ବୋଲି କହିଛନ୍ତି ଅପରାଜିତା ।ପ୍ରଧାନମନ୍ତ୍ରୀ ତାଙ୍କ ଆଦର୍ଶ, କଦାପି କୋଭିଡ୍ ଆଇନ ଭଙ୍ଗ କରିବାର ପ୍ରଶ୍ନ ଉଠୁନାହିଁ ବୋଲି କହିଛନ୍ତି ଅପରାଜିତା ।
ସୂଚନାଯୋଗ୍ୟ, ସାଂସଦ ଅପରାଜିତାଙ୍କ ନାଁରେ କୋଭିଡ୍ ଯୋଦ୍ଧା ଅଭିଯୋଗ ଆଣିବା ପରେ ତାଙ୍କ ଅଫିସ୍କୁ ବିଏମ୍ସ୍ ତରଫରୁ ସିଲ୍ କରାଯାଇଛି । କାର୍ଯ୍ୟାଳୟରେ କୋଭିଡ୍ ନିୟମ ଉଲଂଘନ ଜନ୍ମଦିନ ପାଳନ କରିଥିଲେ ସାଂସଦ ବୋଲି ଅଭିଯୋଗ ହୋଇଥିଲା ।