ରାଜ୍ୟ ସରକାରଙ୍କ କୃଷି ଓ କୃଷକମାନଙ୍କ ପାଇଁ ‘କାଳିଆ ଯୋଜନା’ର ଟଙ୍କାକୁ ମାର୍ଚ୍ଚ ୩୧ ତାରିଖ ପର୍ଯ୍ୟନ୍ତ ସମସ୍ତ ହିତାଧିକାରୀଙ୍କ ଆକାଉଣ୍ଟକୁ ପଠାଯିବା ପାଇଁ ଘୋଷଣା କରାଯାଇଥିଲା। କିନ୍ତୁ ଏହାକୁ ନିର୍ବାଚନ ଆଚରଣ ବିଧି ଉଲ୍ଲଂଘନ କରୁଛି ବୋଲି ବିଜେପି ବିଜେଡ଼ିକୁ ଟାର୍ଗେଟ କରୁଛି। ତେବେ ଏହି ପ୍ରସଙ୍ଗକୁ ନେଇ ବିଜେଡ଼ି ମୁଖପାତ୍ର ସସ୍ମିତ ପାତ୍ର ଏକ ସାମ୍ବାଦିକ ସମ୍ମିଳନୀ କରିଛନ୍ତି। ଏହି ସମ୍ମିଳନୀରେ ବିଜେପି ଚାପଗ୍ରସ୍ତ ହୋଇ ‘କାଳିଆ’ ସହାୟତାକୁ ବିରୋଧ କରୁଛି। ଏବଂ ପ୍ରଧାନମନ୍ତ୍ରୀ କିଷାନ ଯୋଜନାକୁ କାର୍ଯ୍ୟକାରୀ କରାଯାଉଛି। ପିଏମ୍ କିଷାନର ଯଥେଷ୍ଟ ଆଗରୁ କାଳିଆ ଯୋଜନା ଆସିଛି ବୋଲି କହିଛନ୍ତି ସସ୍ମିତ। ବିଜେପି ଏବେ ଚାଷୀ ମାରଣ ନୀତିକୁ ଆପଣାଇଛି। ବିଜେପିର ଚାପରେ ସିଇଓ କାଳିଆ ଟଙ୍କାକୁ ଅଟକାଉଛନ୍ତି ବୋଲି ବିଜେଡ଼ି ଅଭିଯୋଗ କରୁଛି। ତେବେ ନିର୍ବାଚନ ପୂର୍ବରୁ ପ୍ରଶାସନିକ ସ୍ତରରେ ଏନେଇ ଅନୁମତି ନିଆଯାଇଥିବା ସତ୍ତ୍ବେ କାଳିଆ ଟଙ୍କାକୁ ଅବରୋଧ କରାଯିବାକୁ ନେଇ ବିଜେପି ଉପରେ ବର୍ଷିଛନ୍ତି ସସ୍ମିତ ପାତ୍ର। ପିଏମ୍ କିଷାନ ଯୋଜନାକୁ ଅନୁମତି ମିଳୁଥିବାବେଳେ କାଳିଆକୁ ଅନୁମତି ନ ମିଳିବାକୁ ନେଇ ଇସିଙ୍କ ଦ୍ବାରସ୍ଥ ହେବେ ବୋଲି ବିଜେଡ଼ି ମୁଖପାତ୍ର ସସ୍ମିତ ପାତ୍ର କହିଛନ୍ତି।
sasmit patra slams bjp