ରମେଶ ମହାନ୍ତି
ଜଗତସିଂହପୁର: ରାତି ପାହିଲେ ଭୋଟ ଦେବେ ତିର୍ତ୍ତୋଲ ନିର୍ବାଚନମଣ୍ଡଳୀ ବାସୀ। ଭୋଟ ଗ୍ରହଣ ପାଇଁ ବିଭିନ୍ନ ପଞ୍ଚାୟତରେ ପହଞ୍ଚି ଗଲେଣି ପୁଲିଂ ଅଧିକାରୀଙ୍କ ସହିତ ସୁରକ୍ଷା ବାହିନୀ ମାନେ। ହେଲେ ଆଜି ସଂଧ୍ୟାରୁ ଗାଁ ଗହଳିରେ ବିଭିନ୍ନ ଦଳ ପକ୍ଷରୁ ଭୋଜିଭାତର ଆସର ଚାଲିଥିବା ଦେଖିବାକୁ ମିଳିଛି। ସକ୍ରିୟ ହୋଇ ଉଠିଥିବା ପଞ୍ଚାୟତର କୁଜିନେତା ମାନେ ରାତି ପାହିବା ପୂର୍ବରୁ ଭୋଟରଙ୍କୁ ବଶୀଭୂତ କରି ଭୋଟ ହାତେଇବା ପାଇଁ ଅନ୍ଧାରି ବିଜେ କରିବେ ବୋଲି କୁହାଯାଉଛି। ସୂଚନାନୁଯାୟୀ ଏକ ନିର୍ଦ୍ଦିଷ୍ଟ ଦଳ ମହିଳା ଗୋଷ୍ଠୀଙ୍କ ଭୋଟ ହାତେଇବା ପାଇଁ ଏକ ଅଭିନବ ଯୋଜନା ଅବଲମ୍ବନ କରିଥିବା ଏବେ ତିର୍ତ୍ତୋଲ ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି। ଯେଉଁ ମହିଳା ଗୃପ୍ ତାଙ୍କ ଦଳକୁ ଭୋଟ ଦେବ ସହି ମହିଳା ଗୃପ୍ ପିଛା ୪ହଜାର ଲେଖାଏଁ ବଣ୍ଟା ହେଉଛି ବୋଲି କୁହାଯାଉଛି। ଏନେଇ ଅନ୍ୟ ମହିଳା ଗୃପ୍ ଭୋଟରଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଥିବା ଶୁଣିବାକୁ ମିଳୁଛି।
