ଭୁବନେଶ୍ବର : ବାଲେଶ୍ୱର ଉପ ନିର୍ବାଚନ ପରେ ପୂର୍ବତନ ବିଧାୟକ ଜୀବନ ପ୍ରଦୀପ ଦାସଙ୍କୁ ନିଲମ୍ବନ କରିଛି ବିଜେଡି । ଦଳବିରୋଧୀ କାର୍ଯ୍ୟରେ ଲିପ୍ତ ରହିଥିବା କାରଣରୁ ଜୀବନ ପ୍ରଦୀପଙ୍କୁ ଦଳରୁ ନିଲମ୍ବନ କରାଯାଇଛି । ଉଲ୍ଲେଖଯୋଗ୍ୟ ଯେ, ଚଳିତ ଉପ ନିର୍ବାଚନ ପୂର୍ବରୁ ଦଳୀୟ ଟିକଟ ବଣ୍ଟନକୁ ନେଇ ଅସନ୍ତୋଷ ପ୍ରକାଶ କରିଥିଲେ । ତେବେ ଉପ ନିର୍ବାଚନ ସମାପ୍ତ ହେବାର ଦୁଇ ଦିନ ମଧ୍ୟରେ ଜୀବନ ପ୍ରଦୀପ ଦାସଙ୍କୁ ଦଳ ନିଲମ୍ବନ କରିଛି । ମୁଖ୍ୟମନ୍ତ୍ରୀ ତଥା ବିଜେଡି ସୁପ୍ରିମୋ ନବୀନ ପଟ୍ଟନାୟକ ନିଲମ୍ବନ କରିବା ସହିତ ସମସ୍ତ ଦଳୀୟ ଦାୟିତ୍ୱରୁ ତୁରନ୍ତ କାଢିବା ନିମନ୍ତେ ନିଦେ୍ର୍ଧଶ ଦିଆଯାଇଛି ।
ବାଲେଶ୍ବରର ସଦରର ଉପନିର୍ବାଚନ ସମୟରେ ବିଜେଡି ବାଲେଶ୍ବର ସଦର ଉପନିର୍ବାଚନ ସମୟରେ ଉଭୟ ରବୀନ୍ଦ୍ର ଜେନା ଓ ଜୀବନ ପ୍ରଦୀପ ଦାସଙ୍କ ମଧ୍ୟରେ ଅନ୍ତଃକନ୍ଦଳ ସ୍ପଷ୍ଟ ବାରି ହୋଇପଡୁଥିଲା । ତେବେ ନିର୍ବାଚନ ପରେ କାର୍ଯ୍ୟାନୁଷ୍ଠାନ ନିଆଯାଇଛି । 2019 ନିର୍ବାଚନରେ ମଧ୍ୟ ସେ ଦଳ ତରଫରୁ ପ୍ରାର୍ଥୀ ହୋଇଥିଲେ। ହେଲେ ବିଜେପି ନେତା ମଦନମୋହନ ଦତ୍ତ ତାଙ୍କୁ ପାଖାପାଖି 13 ହଜାର ଭୋଟରେ ହରାଇ ଦେଇଥିଲେ। ମଦନ ମୋହନ ଦତ୍ତଙ୍କ ମୃତ୍ୟୁ ପରେ ସେହି ଆସନ ପାଇଁ ବିଜେଡି ସ୍ବରୂପ ଦାସଙ୍କୁ ପ୍ରାର୍ଥୀ କରିଥିଲା ।
