ପ୍ରିୟଙ୍କା ଗାନ୍ଧି ସକ୍ରିୟ ରାଜନୀତିରେ ଯୋଗଦେବା ପରେ ତାଙ୍କୁ ନେଇ ବିଜେପି ପ୍ରାୟ ସମୟରେ ଆକ୍ଷେପ କରି ଆସୁଛି । କେତେବେଳେ ତାଙ୍କ ଚେହେରାକୁ ନେଇ ତ କେତେବେଳେ ତାଙ୍କ ପାେଷାକ ତଥା ରଣନୀତିକୁ ନେଇ ତେବେ ନିକଟରେ କେନ୍ଦ୍ରମନ୍ତ୍ରୀ ମନସୁଖ୍ ମାଣ୍ଡବ୍ୟ ପ୍ରିୟଙ୍କାଙ୍କୁ ଇନ୍ଦିରାଙ୍କ ସହ ଚେହେରାର ସାମଞ୍ଜସ୍ୟକୁ ନେଇ ଆକ୍ରମଣ କରିଛନ୍ତି । । ନିଜ ଜେଜେମାଙ୍କ ଭଳି ବୈଶିଷ୍ଟ୍ୟ ରହିଲେ ଜେଜେମାଙ୍କ ପରି କ୍ଷମତାର ଅଧିକାରୀ ହେବା ସମ୍ଭବ ନୁହେଁ ବାେଲି କହିଛନ୍ତି ମାଣ୍ଡବ୍ୟ । ଗୁଜରାଟର ଆନନ୍ଦରେ ଦଳର ବିଜୟ ସଙ୍କଳ୍ପ କାର୍ଯ୍ୟକ୍ରମରେ ମାଣ୍ଡବ୍ୟ କହିଛନ୍ତି, ଯଦି ସମାନ ବୈଶିଷ୍ଟ୍ୟ ଦ୍ବାରା କ୍ଷମତା ମିଳି ପାରୁଥାନ୍ତା ତେବେ ଚୀନ୍ରେ ପ୍ରତ୍ୟେକ ଘରେ ଜଣେ ଲେଖାଏଁ ରାଷ୍ଟ୍ରପତି ବାହାରୁଥାନ୍ତେ । ପୂର୍ବରୁ ଅନେକ କଂଗ୍ରେସ ନେତା ପ୍ରିୟଙ୍କାଙ୍କୁ ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ସହିତ ତୁଳନା କରିଛନ୍ତି । ତେବେ ଏହି ପ୍ରସଙ୍ଗରେ ପ୍ରିୟଙ୍କା କହିଛନ୍ତି ଯେ, ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧିଙ୍କୁ ସହ ତାଙ୍କୁ ତୁଳନା ଏଥିପାଇଁ କରାଯାଏ, ଯେ, ତାଙ୍କୁ ସାଧାରଣ ବହୁତ ପସନ୍ଦ କରିଥାନ୍ତି । ପ୍ରିୟଙ୍କା କଂଗ୍ରେସର ମହାସଚିବ ପଦରେ ଅବସ୍ଥାପିତ ଥିବାବେଳେ ୟୁପିର ପୂର୍ବ ଉତ୍ତରପ୍ରଦେଶ ଦାୟିତ୍ବରେ ରହିଛନ୍ତି । ଗତ ମାସରେ ବିଜେପି ସାଂସଦ ହରିଶ ଦ୍ବିବେଦୀ ମଧ୍ୟ ପ୍ରିୟଙ୍କାଙ୍କୁ ବ୍ୟକ୍ତିଗତ ଭାବରେ ଆକ୍ରମଣ କରିଥିଲେ । ଶ୍ରୀ ଦ୍ବିବେଦୀ କହିଥିଲେ ଯେ, ଭଦ୍ର ଦିଲ୍ଳୀରେ ଜିନ୍ସ ପିନ୍ଧୁଥିବା ବେଳେ ନିର୍ବାଚନୀ ପ୍ରଚାର ନିମନ୍ତେ ଶାଢୀ ପିନ୍ଧନ୍ତି ।
