ସୀତାରାମ ଅଗ୍ରୱାଲ
ଟାଙ୍ଗୀ: ଖୋର୍ଦ୍ଧା ଜିଲ୍ଲା ଅଂଚଳରେ ଦିନକୁ ଦିନ ଚୋରା କାଠ ମାଫିଆଙ୍କ ଦୌରାତ୍ମ୍ୟ ବୃଦ୍ଧି ପାଇବାରେ ଲାଗିଛି। କରତ କଳକୁ ଟାଙ୍ଗୀ ଅଂଚଳରେ ବ୍ୟାନ କରାଯାଇଥିବା ବେଳେ ଚୋରା କାଠ ମାଫିଆ ମାନେ ବେଆଇନ ଭାବେ କରତ କଳ ଚଲାଇ ବେଶ୍ ମୁନାଫା କମାଇବାରେ ଲାଗିଛନ୍ତି। ଟାଙ୍ଗୀ ଥାନା ତରାପି ଗ୍ରାମ ଜଙ୍ଗଲ ଭିତରେ ଏକ ଚୋରା କରତ କଳ ଚାଲୁଥିବାର ଟାଙ୍ଗୀ ବନ ବିଭାଗ ସୂଚନା ପାଇ ତରାପି ଜଙ୍ଗଲରେ ଚଢାଉ କରିଥିଲା। ବନ ବିଭାଗ ଅଧିକାରୀ ରବୀନ୍ଦ୍ର ନାଥ ପଣ୍ଡା ଏବଂ ତାଙ୍କ ଦଳ ଏହି ଚଢାଉରେ ସାମିଲ ହୋଇ କରତ କଳ ସହ ଏକ ଟ୍ରାକ୍ଟର ଜବତ କରିବାକୁ ସକ୍ଷମ ହୋଇଛନ୍ତି। ଏହା ସହ ଲକ୍ଷାଧୀକ ଟଙ୍କାର ମୂଲ୍ୟବାନ କାଠ ଜବତ କରିଛନ୍ତି।
