ଭୁବନେଶ୍ବର : ବିଧାନସଭା ନିକଟରେ ହାଇଡ୍ରାମା ଦେଖିବାକୁ ମିଳିଛି । ପୁଣି ବିଧାନସଭା ନିକଟରେ ଆତ୍ମାହୂତି ଉଦ୍ୟମ କରିଛନ୍ତି ଜଣେ ମା ଓ ପୁଅ । ଆତ୍ମାହୂତି ଉଦ୍ୟମ ବେଳେ ଉଦ୍ଧାର କରିଛନ୍ତି ସୁରକ୍ଷାକର୍ମୀ । ବିଧାନସଭା ପଛପଟ ଇଡକଲ ରାସ୍ତାରେ ଆତ୍ମାହୂତି ଉଦ୍ୟମ କରିଛନ୍ତି । କୁଜଙ୍ଗ ଅଞ୍ଚଳର ମା’ ଓ ପୁଅ କିରୋସାି ଢାଳି ଆତ୍ମାହୂତି ଉଦ୍ୟମ କରିଥିବାବେଳେ ସୁରକ୍ଷା କର୍ମୀ ତାଙ୍କୁ କାବୁ କରି ନେଇଥିଲେ । ଆତ୍ମହତ୍ୟା କରିବାକୁ ଉଦ୍ୟତ ରତ ଥବା ମାଆ ହେଉଛନ୍ତି ସୁଲୋଚନା ଦାସ ଓପୁତ୍ର ସୁବ୍ରତ ଦାସବୋଲି ସୂଚନା ରହିଛି । ପୁଅ ହତ୍ୟାରେ ନ୍ୟାୟ ନ ପାଇ ଆତ୍ମାହୂତି ଉଦ୍ୟମ କରିଥିବା ସୂଚନା ରହିଛି । ବର୍ଷକ ତଳେ ପୁଅ ଅମୃତ ଦାସଙ୍କୁ ହତ୍ୟା କରାଯାଇଥିବା ଅଭିଯୋଗ ହୋଇଛି । ତେବେ ମା ପୁଅଙ୍କୁ ଆତ୍ମାହୂତି ଉଦ୍ୟମ କରୁଥିବାବେଳେ ଉଭୟଙ୍କୁ ସୁରକ୍ଷାକର୍ମୀଙ୍କୁ ଉଦ୍ଧାର କରିଛନ୍ତି ।
ସୂଚନାଯୋଗ୍ୟ, କିଛି ଦିନ ତଳେ ପରୀ ହତ୍ୟାର ନ୍ୟାୟ ପାଇ ତାଙ୍କ ବାପା – ମା’ ବିଧାନସଭା ସମ୍ମୁଖରେ ଆତ୍ମହତ୍ୟା କରିବାକୁ ଉଦ୍ୟମ କରିଥିଲେ । ସୁରକ୍ଷା କର୍ମୀ ତାଙ୍କୁ ଉଦ୍ଧାର କରିଥିବାବେଳେ ଗତକାଲି କିଛି ଚାଷୀମାନେ ମଧ୍ୟ ଋଣ ଭାରରେ ଅତିଷ୍ଠ ହୋଇ ନ୍ୟାୟ ପାଇଁ ବିଧାନସଭା ସମ୍ମୁଖରେ ଆତ୍ମହତ୍ୟା କରିବାକୁ ଉଦ୍ୟମ କରିଥିଲେ ।
