ଭୁବନେଶ୍ବର, ଆପଣ କଟକ ଯାଉଛନ୍ତି କି ? ଯଦି ହଁ ତେବେ ସାବଧାନରେ ଯାଆନ୍ତୁ। କାରଣ ନୂଆବର୍ଷ ପାହାଳ ନିକଟରେ ଭଳିକି ଭଳି ଏସବୁ ଜଗିକି ବସିଛନ୍ତି। ଆପଣଙ୍କ ପକେଟ ପୁରା ଖାଲି କରିଦେବେ। ଅବଶ୍ୟ ପକେଟ ଖାଲି ହେଲେ ମଧ୍ୟ ଆପଣଙ୍କୁ ଖୁସି ଲାଗିବ। କାରଣ ନୂଆ ବର୍ଷ ପାଇଁ ପାହଳର ମିଠା ବ୍ୟବସାୟୀ ବର୍ତ୍ତମାନ ବହୁ ମିଠା ପ୍ରସ୍ତୁତ କରିଛନ୍ତି।
କଟକ ଯିବା ରାସ୍ତାରେ ମିଠା ପାଇଁ ପ୍ରସିଦ୍ଧ ଏହି ପାହାଳରେ ଆଗ ଅପେକ୍ଷା ବର୍ତ୍ତମାନ ଅଧିକ ମିଠା ରଖାଯାଇଛି। ନୂଆବର୍ଷ ହେଲେ ଲୋକଙ୍କର ମିଠା କିଣିବାର ସଉକ ଥାଏ। କିଏ ସେ ନିଜ ଉପରସ୍ଥି ଅଫିସରଙ୍କୁ ମିଠା ଖୁଆଇ ଖୁସି କରିବାକୁ ଚାହେଁ। କିଏ ନିଜ ପରିବାରରେ ମିଠା ବାଣ୍ଟି ନୂଆ ବରଷରେ ଖୁସି ଆଣିବାକୁ ଚେଷ୍ଠା କରେ।
ଏହାର ସୁଯୋଗରେ ପାହାଳ ମିଠା ବ୍ୟବସାୟୀ ବେଶ ତତ୍ପର ହୋଇ ଉଠିଛନ୍ତି। ସେମାନେ ଛେନାପୋଡ, ଛେନା ଗଜା ଏବଂ ପ୍ରସିଦ୍ଧ ରସଗୋଲା ପ୍ରସ୍ତୁତ କରି ରଖିଛନ୍ତି। ଏପରିକି ସେହି ସ୍ଥାନରେ ଗରମ ଗରମ ରସଗୋଲା ପରଶି ଦେବା ପାଇଁ ମଧ୍ୟ ବ୍ୟବସ୍ଥା କରିଛନ୍ତି।