ନୂଆଦିଲ୍ଲୀ, ବର୍ତ୍ତମାନ ପେଟ୍ରୋଲ ଏବଂ ଡିଜେଲର ମୂଲ୍ୟ ବୃଦ୍ଧି ସମସ୍ତଙ୍କର ମୁଣ୍ଡ ବଥାର କାରଣ ପାଲଟିଛି। ଏଭଳି ପରିସ୍ଥିତିରେ ସମସ୍ତେ ବିକଳ୍ପ ଖୋଜୁଛନ୍ତି। ଯଦି ଆପଣ ଶସ୍ତା CNG କାର ଖୋଜୁଛନ୍ତି ଯାହା ଭଲ ମାଇଲେଜ୍ ମଧ୍ୟ ଦିଏ, ତେବେ ଏଠାରେ ଏକ ତାଲିକା ଅଛି ଯାହା ଆପଣଙ୍କୁ ହୁଏତ ସାହାର୍ଯ୍ୟ କରିପାରେ। ଏକ ବୃହତ ଇନ୍ଧନ ହାରାହାରି ସହିତ, ଏହି କାରଗୁଡିକ ମଧ୍ୟ ପକେଟକୁ ସୁହାଇା ପରି ହୋଇଛି।
ମାରୁତି ଏସ୍-ପ୍ରେସୋ
ମାରୁତି ସୁଜୁକିର ମିନି ଏସୟୁଭି କୁହାଯାଉଥିବା ଏସ-ପ୍ରେସୋର ପ୍ରାରମ୍ଭିକ ମୂଲ୍ୟ ହେଉଛି 5.06 ଲକ୍ଷ ଟଙ୍କା। ଏହି କାର 67hp ର ଶକ୍ତି ଏବଂ 90Nm ର ର୍ଟକ୍ୟୁ ସୃଷ୍ଟି କରେ। ଏହା ଏକ 5-ସ୍ପିଡ୍ ମାନୁଆଲ୍ ଟ୍ରାନ୍ସମିସନ୍ ଗିଅର ବକ୍ସ ସହିତ ଆସିଥାଏ | ଏଥିରେ 55 ଲିଟରର ଏକ ଟାଙ୍କି ଅଛି । ଏହା ପ୍ରତି ଏକ କେଜିରେ 31.2 କିଲୋମିଟର ମାଇଲେଜ୍ ଦେଇଥାଏ।
ମାରୁତି ଆଲଟୋ CNG
ମାରୁତି ସୁଜୁକିରୁ ସବୁଠାରୁ ଶସ୍ତା ହ୍ୟାଚବ୍ୟାକ୍ ହେଉଛି ଆଲଟୋ। ଏହାର ଆରମ୍ଭ ମୂଲ୍ୟ ହେଉଛି 4.66 ଲକ୍ଷ ଟଙ୍କା। ମାରୁତି ଆଲଟୋ CNG 800CC କ୍ଷମତା ବିଶିଷ୍ଟ ଏକ ଇଞ୍ଜିନ୍ ଦ୍ୱାରା ଚାଳିତ। ଏହି କାର 40hp ଶକ୍ତି ଏବଂ 60Nm ଟର୍କ ସୃଷ୍ଟି କରେ | ଏହା ଏକ 5-ସ୍ପିଡ୍ ମାନୁଆଲ୍ ଟ୍ରାନ୍ସମିସନ୍ ଗିଅରବକ୍ସ ସହିତ ଆସିଥାଏ ଏବଂ 31.59 କିଲୋମିଟର ପ୍ରିତ କେଜିରେ ମାଇଲେଜ୍ ଦେଇଥାଏ।
ମାରୁତି ୱାଗନ୍ ଆର CNG
ମାରୁତି ସୁଜୁକି କଂପାନୀର କାର୍ ୱାଗନ୍ଆର୍ ମଧ୍ୟ ଏକ CNG କିଟ୍ ସହିତ ଆସିଥାଏ। ଏହାର ଆରମ୍ଭ ମୂଲ୍ୟ ହେଉଛି 5.70 ଲକ୍ଷ ଟଙ୍କା । ଏହା 58hp ଶକ୍ତି ଏବଂ 78Nm ଟର୍କ ଉତ୍ପାଦନ କରେ। ଏହାର ଇନ୍ଧନ ଟ୍ୟାଙ୍କ ହେଉଛି 60 ଲିଟର। ୱାଗନ୍ ଆର ସିଏନଜି 32.52 କିଲୋମିଟର ପ୍ରତି କେଜିରେ ମାଇଲେଜ୍ ଦେଇଥାଏ।