ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଭିଡିଓ କନଫ୍ରେସିଂ ମାଧ୍ୟମରେ ଦେଶର ଷ୍ଟାର୍ଟଅପରମାନଙ୍କ ସହିତ ଆଲୋଚନା କରିଛନ୍ତି। ଏହି ଅବସରରେ ସେ କହିଛନ୍ତି ଯେ ୨୦୨୨ ଦେଶରେ ଷ୍ଟାର୍ଟ ଅପ୍ ଇକୋସିଷ୍ଟମ ପାଇଁ ଅନେକ ସମ୍ଭାବନା ଆଣିଛି।
ବର୍ତ୍ତମାନ ଭାରତ ସ୍ୱାଧୀନତାର ୭୫ ତମ ବର୍ଷ ପାଳନ କରୁଛି ଏବଂ ଯେତେବେଳେ ଭାରତ ୧୦୦ ବର୍ଷର ସ୍ୱାଧୀନତା ଦିବସ ପାଳନ କରିବ, ସେତେବେଳେ ଦେଶର ପ୍ରଗତିରେ ଷ୍ଟାର୍ଟ ଅପ୍ ର ଭୂମିକା ଗୁରୁତ୍ୱପୂର୍ଣ୍ଣ ହେବ। ସେ କହିଛନ୍ତି, ୧୬ ଜାନୁଆରୀ ଜାତୀୟ ଷ୍ଟାର୍ଟ ଅପ୍ ଦିବସ ଭାବେ ପାଳନ କରାଯିବ।
ଏହି ଆଲୋଚନା ସମୟରେ ବହୁ କେନ୍ଦ୍ର ମନ୍ତ୍ରୀ ଉପସ୍ଥିତ ଥିଲେ। ଏହି ଆଲୋଚନା ସମୟରେ କୃଷି, ସ୍ୱାସ୍ଥ୍ୟ, ମହାକାଶ, ଶିଳ୍ପ ୪.୦, ସୁରକ୍ଷା, ଫିଣ୍ଟେକ୍ ଏବଂ ପରିବେଶ ଭଳି ବିଭିନ୍ନ କ୍ଷେତ୍ରରୁ ଷ୍ଟାର୍ଟଅପମାନେ ଅଂଶଗ୍ରହଣ କରିଥିଲେ।
