ଭୁବନେଶ୍ବର, ପସନ୍ଦ ଆପଣଙ୍କର ରୋଷେଇ ଆମର, ଏପରି ଏକ ସ୍ଲୋଗାନ ନେଇ ଓଡିଶା ପର୍ଯ୍ୟଟନ ଉନ୍ନୟନ ନିଗମ ଆରମ୍ଭ କଲା ଅନଲାଇନ ଖାଦ୍ୟ ଯୋଗାଣ ସେବା। ପାନ୍ଥନିବାସ ପ୍ରସ୍ତୁତ ବିଭିନ୍ନ ଖାଦ୍ୟ ଏଣିକି ଅନଲାଇନରେ ଉପଲବ୍ଧ କରାଇବା ପାଇଁ କରାଯାଇଛି ଏହି ବ୍ୟବସ୍ଥା। ସେଥିପାଇଁ ପର୍ଯ୍ୟଟନ ଉନ୍ନୟନ ନିଗମ ବା ଓଟିଡିସି ସ୍ବୁଗି ଓ ଜୋମାଟୋ ସହିତ ଏକ ବୁଝାମଣା ପତ୍ର ସ୍ବାକ୍ଷରିତ କରିଛି।
ବୁଝାମଣା ଅନୁସାରେ ଏହି ଅନଲାଇନ ଯୋଗାଣ ସଂସ୍ଥା ପାନ୍ଥନିବାସ ଦ୍ବାରା ପ୍ରସ୍ତୁତ ଖାଦ୍ୟ ଡୋର ଟୁ ଡୋର ସେବା ପ୍ରଦାନ କରିବ। ପ୍ରଥମ ପର୍ଯ୍ୟାୟରେ ଓଟିଡିସି ଭୁବନେଶ୍ବର, କଟକ, ପୁରୀ ଓ ରାଉରକେଲାରେ ଏହି ବ୍ୟବସ୍ଥା ଆରମ୍ଭ କରିବ ବୋଲି ନିଷ୍ପତି ହୋଇଛି। ଏଥିରେ ଓଡିଶାର ପାଂରପାରିକ ଖାଦ୍ୟ, ନିରାମିଷ ଓ ଆମିଷ ଖାଦ୍ୟ ଯୋଗାଣ କରାଯିବ। ଏପରିକି ସ୍ବତନ୍ତ୍ର ପୂଜା ଦିନମାନଙ୍କରେ ପିଠା, ପୋଡପିଠା, କାକରା ପିଠା ପ୍ରଭୃତି ମଧ୍ୟ ପ୍ରଦାନ କରାଯିବ।
ବର୍ତ୍ତମାନ ହୋଟେଲ ରେଷ୍ଟୁରାଣ୍ଟ ବନ୍ଦ ଥିବା ବେଳେ ପାନ୍ଥ ନିବାସର ଏହି ପଦକ୍ଷେପ ନିଶ୍ଚିତ ଆଦୃତ ହେବ ବୋଲି ଆଶା କରାଯାଉଛି।