ନୂଆଦିଲ୍ଲୀ : କରୋନା ଭାଇରସ୍ ପ୍ରଭାବରେ ଅର୍ଥନୀତି ସମ୍ପୂର୍ଣ୍ଣ ତଳକୁ ଖସିଥିବା ବେଳେ ସେନସେକ୍ସ ମଧ୍ୟ ତଳୁଆ ରହିଥିଲା । ମାତ୍ର ବୁଧବାର ନିବେଶକଙ୍କ ପାଇଁ ଖୁସି ଖବର । ବୁଧବାର ସେନସେକ୍ସ 200 ପଏଣ୍ଟ ଉପରକୁ ଉଠିଥିବା ବେଳେ ନିଫ୍ଟୀ 69 ପଏଣ୍ଟ ଉପରକୁ ଉଠିଛି । ସେନସେକ୍ସ 285 ପଏଣ୍ଟ ଉପରକୁ ଉଠିଥିବା ବେଳେ ଏହା 34142 ପଏଣ୍ଟରେ ପହଞ୍ଚିଛି । ନିଫ୍ଟୀ ଏହି ସମୟରେ ସ୍ଥିର ରହିଥିବା ବେଳେ 69 ପଏଣ୍ଟ ଉପରକୁ ଉଠିବା ସହିତ ଏହା 10115.70 ପଏଣ୍ଟରେ ପହଞ୍ଚିଛି । ଭାରତୀ ଇନ୍ଫ୍ରାଟେଲ୍ ଅଂଶଧନ ମୂଲ୍ୟରେ 2.23 ପ୍ରତିଶତ ଉପରକୁ ଉଠିଥିବା ବେଳେ ଶ୍ରୀ ସିମେଣ୍ଟର ଅଂଶଧନ ମୂଲ୍ୟରେ 1.92 ପ୍ରତିଶତ ଏବଂ ଏଚ୍ଡିଏଫ୍ସି ଅଂଶଧନ ମୂଲ୍ୟରେ 1.83 ପ୍ରତିଶତ ବୃଦ୍ଧି ଘଟିଛି । ସେହିପରି ଟାଟା ଷ୍ଟିଲ୍, ଟାଟା ମୋଟର୍ସ ଏବଂ ଜେଏସ୍ଡବ୍ଲ୍ୟୁର ଅଂଶଧନ ମୂଲ୍ୟରେ ହ୍ରାସ ଘଟିଛି ।
ଏହି ସମୟରେ ଏସିଆନ୍ ସେୟାର ବଜାର ଗ୍ରୀନ୍ରେ ରହିଛି । ଜାପାନର ନିକ୍କି 0.14 ପ୍ରତିଶତ ବୃଦ୍ଧି ଘଟିଥିବା ବେଳେ ତାଇଓ୍ବାନର 0.54 ଏବଂ ହଂକଂର 0.55 ପ୍ରତିଶତ ଉପରକୁ ଉଠିଛି । କୋସ୍ପି 0.19 ପ୍ରତିଶତ ଉପରକୁ ଉଠିଥିବା ବେଳେ ନାସ୍ଡାକ୍ 0.29 ପ୍ରତିଶତ ଉପରକୁ ଉଠିଛି । ଡିଓଡବ୍ଲ୍ୟୁ ଏହି ସମୟରେ 1.09 ପ୍ରତିଶତ ତଳକୁ ଖସିଥିବା ବେଳେ ଏସ୍ ଆଣ୍ଡ ପି 500 0.78 ପ୍ରତିଶତ ତଳକୁ ଖସିଛି । ଏହି ସମୟରେ ଅଶୋଧିତ ତୈଳର ମୂଲ୍ୟ 40.55 ଡଲାର ରହିଛି । (ଏଜେନ୍ସି)