ନୟାଗଡ/ଚାନ୍ଦପୁର: ଆଜି ଜଣେ କୁଖ୍ୟାତ ଖଣି ମାଫିଆ ପୋଲିସ ହାତରେ ଧରାପଡ଼ିଛି। ନୟାଗଡ ଜିଲ୍ଲା ଚାନ୍ଦପୁର ପୋଲିସ ହାତରେ ଅମରେନ୍ଦ୍ର ନାମକ ଖଣି ମାଫିଆ ଧରା ପଡିଛି। ଅମରେନ୍ଦ୍ର ଦୀର୍ଘ ଦିନ ହେଲା ପୋଲିସ ଆଖିରେ ଧୂଳି ଦେଇ ଲୁଚିରହିଥିଲା। ସେ ତିନିରୁ ଉର୍ଦ୍ଧ୍ଵ ବେଆଇନ ଖଣି ମାମଲାରେ ଜଡିତ ଅଛି। ପୂର୍ବରୁ ତାଙ୍କ ନାମରେ ଚାନ୍ଦପୁର ଥାନାରେ ରୁଜୁ ହୋଇଥିବା କେସ ନମ୍ବର ୬୦/୨୧ରେ ଅମରେନ୍ଦ୍ର ଗିରଫ ହୋଇଛି।
ତେବେ ତାଙ୍କର ଗିରଫ ହେବାପରେ ଖୋର୍ଦ୍ଧା ଏବଂ ନୟାଗଡ ଜିଲ୍ଲାର ସୀମାନ୍ତବର୍ତ୍ତୀ ଅଞ୍ଚଳରେ ବେଆଇନ ମାଙ୍କଡାପଥର ଚୋରାଚାଲାଣ ବହୁ ମାତ୍ରାରେ କମିଯିବ ବୋଲି ଚାନ୍ଦପୁର ଆଇଆଇସି ରଶ୍ମି ରଞ୍ଜନ ଦାସ ସୂଚନା ଦେଇଛନ୍ତି।
