ଭୁବନେଶ୍ୱର, ରାଜଧାନୀର ଏୟାର ଫିଲଡ଼ ଥାନା ଅନ୍ତର୍ଗତ ଭୀମଟାଙ୍ଗି ଫେଜ -୧ ରେ ରହୁଥିବା ଜଣେ ମହିଳାଙ୍କୁ ବିଭସ୍ଛ ଭାବେ କୌଣସି ଧାରୁଆ ଅସ୍ତ୍ରରେ ହତ୍ୟା କରିଯାଇଛି। ମହିଳାଙ୍କ ରକ୍ତ ଜୁଡୁବୁଡୁ ମୃତ ଶରୀରକୁ ଏୟାର ଫିଲଡ଼ ଥାନା ପୋଲିସ ଘର ଭିତରୁ ଜବତ କରିଛି। ସେହି ଘର ଭିତରୁ ଅନ୍ୟ ଜଣେ ଗୁରୁତର ଭାବେ ଆହତ ଯୁବକଙ୍କୁ ମଧ୍ୟ ଉଦ୍ଧାର କରି କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି।
ମୃତ ମହିଳାଙ୍କୁ ତାଙ୍କ ସ୍ୱାମୀ ରାକେଶ ସାହୁ ଚିହ୍ନଟ କରିଛନ୍ତି,। ମୃତ ମହିଳାଙ୍କ ନାମ ହେଉଛି ପ୍ରିୟଦର୍ଶିନୀ ସାହୁ ବୋଲି ଜଣାପଡିଛି। ଘଟଣା ସ୍ଥଳରେ ଏୟାର ଫିଲଡ଼ ଥାନା ଅଧିକାରୀ, ଏସିପି, ତଥା ଭୁବନେଶ୍ୱର ଡିସିପି ପହଂଛି ତଦନ୍ତ ଆରମ୍ଭ କରିସାରିଲେଣି। ସାଇଣ୍ଟିଫିକ ଟିମ ମଧ୍ୟ ପହଁଚି ତଦନ୍ତ ଆରମ୍ଭ କରିଛନ୍ତି।
