ନୂଆଦିଲ୍ଲୀ: ଆଫଗାନିସ୍ତାନରେ ସେନା ଏବଂ ତାଲିବାନ ମଧ୍ୟରେ ବିବାଦ ଜାରି ରହିଛି। ଗତକାଲି ଆମେରିକାର ବାୟୁସେନା ଶେବଗର୍ନ ସହରରେ ତାଲିବାନ ଠିକଣା ଉପରେ ଆକ୍ରମଣ କରିଥିଲା। ବାୟୁସେନାର ଏହି ଆକ୍ରମଣରେ ତାଲିବାନ ବହୁ କ୍ଷୟକ୍ଷତି ହୋଇଥିଲା। ଏଥିରେ ୫୦୦ ରୁ ଅଧିକ ଆତଙ୍କବାଦୀ ନିହତ ହୋଇଥିଲେ। ଆଫଗାନିସ୍ତାନର ସରକାରୀ ପ୍ରତିରକ୍ଷା ମନ୍ତ୍ରଣାଳୟ ନିଜେ ଏହି ସୂଚନା ଦେଇଛନ୍ତି।
ଆଫଗାନିସ୍ତାନ ପ୍ରତିରକ୍ଷା ମନ୍ତ୍ରଣାଳୟର ଅଧିକାରୀ ଫୱାଦ ଅମାନ ଟ୍ୱିଟ କରି କହିଛନ୍ତି ଯେ ବାୟୁସେନା ଶେନବର୍ଗ ସହରରେ ତାଲିବାନ ଠିକଣାକୁ ଟାର୍ଗେଟ କରି ଏୟାର ଷ୍ଟ୍ରାଇକ କରିଥିଲା। ଏହି ଆକ୍ରମଣରେ ୫୦୦ ରୁ ଅଧିକ ତାଲିବାନ ଆତଙ୍କବାଦୀ ନିହତ ହୋଇଥିବା ବେଳେ ବହୁ ସଂଖ୍ୟକ ଅସ୍ତ୍ରଶସ୍ତ୍ର ଏବଂ ଗୁଳିଗୋଳା ନଷ୍ଟ ହୋଇଯାଇଥିଲା। ରାତି ପ୍ରାୟ ୩ ତା ୩୦ ରେ ଶେନବର୍ଗ ସହରର ଜାଭାଜାନ ପ୍ରଦେଶରେ ଜଣେ ବି-୫୨ ବିସ୍ଫୋରଣକାରୀ ବିମାନ ବହୁ ସଂଖ୍ୟାରେ ତାଲିବାନ ଆତଙ୍କବାଦୀଙ୍କୁ ଟାର୍ଗେଟ କରିଥିଲେ। ଆମେରିକାର ବାୟୁସେନା ଦ୍ୱାରା ହୋଇଥିବା ଏହି ଆକ୍ରମଣରେ ତାଲିବାନ ବହୁ କ୍ଷତି ସହିଛି।
ଆଫଗାନିସ୍ତାନ ପ୍ରତିରକ୍ଷା ମନ୍ତ୍ରଣାଳୟର ଅଧିକାରୀ ଫୱାଦ ଅମାନ ରବିବାର ଏକ ନୂତନ ଟ୍ୱିଟରେ କହିଛନ୍ତି ଯେ, ନଙ୍ଗରହାର, ଲଗମନ, ଗଜନୀ, ପାକ୍ଟିଆ, ପକ୍ତିଆ, ପକ୍ତିକା, କାନ୍ଦାହାର, ଉରୁଜଗନ, ହେରାତ, ଫରାହ, ଜୋଜଜାନ, ସାର-ଏ ପୋଲ, ଫରୟାବ, ହେଲମନ୍ଦ, ନିମ୍ରୁଜ, ତଖର, କୁନ୍ଦୁଜରେ ୫୭୨ ଆତଙ୍କବାଦୀଙ୍କ ମୃତ୍ୟୁ ଘଟିଛି ଏବଂ ୩୦୯ ଜଣ ଆହତ ହୋଇଛନ୍ତି। ଗତ ୨୪ ଘଣ୍ଟା ମଧ୍ୟରେ ଏହି ସବୁ ଘଟିଛି। “