ଜଂକିଆ: ଆଜି ଜୁଆ ଆଡ୍ଦା ଉପରେ ଜଂକିଆ ପୋଲିସ ଚଢାଉ କରିଛି। ଟାଙ୍କୋଳ ଜଗଂଲରେ ଚାଲିଥିଲା ଜୁଆ ଆଡ୍ଦା ଉପରେ ଚଢାଉ କରିଛି। ଏହି ଚଢାଉରେ ୨୦ଟି ମୋଟର ସାଇକେଲ, ୩ଟି ମୋବାଇଲ ଫୋନ ଏବଂ ନକଦ ୫୧,୪୦୦ଟଙ୍କା ପୋଲିସ ଜବତ କରିଛି। ଏହା ସହ ୫ ଜୁଆଡିଙ୍କୁ ମଧ୍ୟ ପୋଲିସ ଗିରଫ କରିଛି। କିନ୍ତୁ ଘଞ୍ଚ ଜଂଗଲର ସୁବିଧା ଦେଖି ଅନେକ ଜୁଆଡି ଗାଡି ଛାଡି ଖସି ପଳାଇ ଯିବାରେ ସକ୍ଷମ ହୋଇଥିଲେ।
ଗିରଫ ଜୁଆଡି ମାନେ ହେଲେ ନିରାକାରପୁର ଥାନା ଅଞ୍ଚଳର ରମେଶ ଦଳେଇ, କେଦାରେଶ୍ୱର ଦଳସିଂହ, କାଇପଦରର ପୂର୍ଣ୍ଣଚନ୍ଦ୍ର ନାୟକ, ରଣପୁର ଥାନା ଅଞ୍ଚଳର କୃଷ୍ଣଚନ୍ଦ୍ର ବେହେରା, ଚାନ୍ଦପୁର ଥାନା ଅଞ୍ଚଳର ଅଜୟ କୁମାର ସ୍ୱାଇଁ ବୋଲି ଜଣାପଡିଛି। ଆସନ୍ତା କାଲି ଗିରଫ ଜୁଆଡିମାନଙ୍କୁ କୋର୍ଟ ଚାଲାଣ କରିବ ପୋଲିସ ସୂଚନା ଦେଇଛି।
