ଭୁବନେଶ୍ବର: ରାଜଧାନୀ ଭୁବନେଶ୍ଵରରେ ଏକ ଅଭାବନୀୟ ଘଟଣା ସାମ୍ନାକୁ ଆସିଛି। ରାଜଧାନୀର ଏକ ଅଳିଆ ଗଦାରୁ କଟା ହାତ ଆଉ ଗୋଡ ମିଳିଥିବା ଦେଖିବାକୁ ମିଳିଛି। ୟୁନିଟ ୩ ର ରାମ ମନ୍ଦିର ପଛ ପଟେ ଥିବା ଅଳିଆ ଗଦାରୁ ଏଭଳି କଟା ହାତ ଗୋଡ ପଡିଥିବା ଦେଖିବାକୁ ମିଳିଛି। କଟା ଅଙ୍ଗରେ ସିଲାଇ ହୋଇଥିବା ସୂଚନା ରହିଛି। ହେଲେ ଏଭଳି ସ୍ଥାନକୁ କଟା ହାତ ଆଉ ଗୋଡ କେଉଁଠୁ ଆସିଲା ଏବଂ ଏହା କାହାର ହୋଇଥିବ, ତାହା ଏଯାଏଁ ସ୍ପଷ୍ଟ ହୋଇନାହିଁ।
ଖାରବେଳ ନଗର ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଦେଇଛି। ଅଧିକ ତଦନ୍ତ ପାଇଁ ଉଦ୍ଧାର ହୋଇଥିବା କଟା ଅଙ୍ଗକୁ ଏମ୍ସ ପଠାଯିବ ବୋଲି ଥାନା ଅଧିକାରୀ ସୂଚନା ଦେଇଛନ୍ତି।