ନୂଆଦିଲ୍ଲୀ: ଉତ୍ତରପ୍ରଦେଶର ଚିତ୍ରକୁଟ ଜିଲ୍ଲାରେ ଆଜି ସକାଳେ ଡ଼କାୟତ ଗୌରୀ ଯାଦବ ଗ୍ୟାଙ୍ଗ ସହିତ ଏସଟିଏଫ୍ ଟିମ୍ ମୁହାଁମୁହିଁ ହୋଇଛନ୍ତି। ଏହି ଏନକାଉଣ୍ଟର ସମୟରେ ଗୌରୀ ଯାଦବକୁ ଏନକାଉଣ୍ଟର କରାଯାଇଛି। ଗୌରୀକୁ ଧରିବା ପାଇଁ ପୁରସ୍କାର ରାଶି ଘୋଷଣା କରାଯାଇଥିଲା। ଏହି ଏନକାଉଣ୍ଟରରେ ଏସଟିଏଫ ର ଏକ ବଡ ସଫଳତା ଭାବରେ ବିବେଚନା କରାଯାଏ। ଏନକାଉଣ୍ଟର ପରେ ତାଙ୍କ ନିକଟରୁ ଏସଟିଏଫ ଦ୍ୱାରା ଭାରୀ ଅସ୍ତ୍ରଶସ୍ତ୍ର ମଧ୍ୟ ଉଦ୍ଧାର କରାଯାଇଛି।
ବହିଲପୁରୱା ପୋଲିସ ଷ୍ଟେସନର ମାଧା ନିକଟରେ ଏହି ଏନକାଉଣ୍ଟର ହୋଇଥିଲା। ସକାଳ ପ୍ରାୟ ତିନିରୁ ଚାରିଟା ବେଳେ ଗୌରୀ ଯାଦବ ଗ୍ୟାଙ୍ଗ ସହ ଏସଟିଏଫ ମଧ୍ୟରେ ମୁହାଁମୁହିଁ ହୋଇଥିଲା। ଏହି ଭୟଙ୍କର ମୁକାବିଲା ସମୟରେ ଗ୍ୟାଙ୍ଗଷ୍ଟର ଗୌରୀ ଯାଦବକୁ ଏସଟିଏଫ ହତ୍ୟା କରିଥିଲା, ଯାହାର ନାମରେ ଲକ୍ଷ ଲକ୍ଷ ଟଙ୍କାର ପୁରସ୍କାର ରାଶି ରଖାଯାଇଥିଲା।
ଉତ୍ତରପ୍ରଦେଶ ତଥା ମଧ୍ୟପ୍ରଦେଶରେ ଗୌରୀ ଯାଦବର ଅନେକ ଆତଙ୍କ ରହିଥିଲା। ଏହି କାରଣରୁ ଉଭୟ ରାଜ୍ୟ ଗୌରୀ ଯାଦବକୁ ଧରିବା ପାଇଁ ପୁରସ୍କାର ଘୋଷଣା କରିଥିଲେ। ଗୌରୀ ଯାଦବକୁ ଧରିବା ପାଇଁ ଉତ୍ତରପ୍ରଦେଶ ୫ ଲକ୍ଷ ଟଙ୍କା ପୁରସ୍କାର ଘୋଷଣା କରିଥିବାବେଳେ ମଧ୍ୟପ୍ରଦେଶ ୫୦ ହଜାର ଟଙ୍କା ପୁରସ୍କାର ରାଶି ଘୋଷଣା କରିଥିଲା।
