ସୀତାରାମ ଅଗ୍ରୱାଲ
ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ଅଞ୍ଚଳରେ ପିଡ଼ିଏସ ସାମଗ୍ରୀର ଚୋରା ଚାଲାଣ ସନ୍ଦେହରେ ପୋଲିସ ଏକ ଟାଟା ଏସି ଗାଡ଼ିକୁ ଜବତ କରିଛି। ଉକ୍ତ ଗାଡିଟି ଭେଟେଶ୍ୱର ଆଡୁ ବାଣପୁରକୁ ଆସୁଥିବାର ପୋଲିସ ଖବର ପାଇଥିଲା। ତେଣୁ ସନ୍ଦିଗ୍ଧ ଗାଡିଟିକୁ ପୋଲିସ ଅଟକ ରଖିବା ପରେ ସେଥିରୁ ପିଡ଼ିଏସ ସାମଗ୍ରୀ ଦେଖିବାକୁ ପାଇଥିଲା। ଗାଡିଟିକୁ ଜବତ କରି ପୋଲିସ ଥାନାକୁ ନେଇ ଆସିଥିବା ବେଳେ ଏହା ଉପରେ ତଦନ୍ତ ଜାରି ରହିଛି। ଏନେଇ ବାଲୁଗାଁ ଏସଡ଼ିପିଓ ମାନସ ରଞ୍ଜନ ବାରିକ ସୂଚନା ଦେଇଛନ୍ତି।
