ଭୋପାଳ: ମଧ୍ୟପ୍ରଦେଶର ରାଜଧାନୀ ଭୋପାଳରେ ଗୁପ୍ତଚର ଏଜେନ୍ସି ଆତଙ୍କବାଦୀଙ୍କ ଏକ ବଡ଼ ଯୋଜନା ପଣ୍ଡ କରିଦେଇଛି। ସନ୍ଦିଗ୍ଧ ଆତଙ୍କବାଦୀମାନେ ପୁରୁଣା ସହରର ଏଶବାଗ ପୋଲିସ ଷ୍ଟେସନଠାରୁ ୨୦୦ ମିଟର ଦୂରରେ ଫାତିମା ମସଜିଦ ନିକଟ ଏକ କୋଠାରେ ଭଡା ଘରେ ରହୁଥିଲେ। ଗୁପ୍ତଚର ଏଜେନ୍ସି ଏହି ଅପରେସନ୍ ଚଳାଇ ସନ୍ଦିଗ୍ଧ ୬ ଆତଙ୍କବାଦୀଙ୍କୁ ଗିରଫ କରିଛି। ଏହି ବିଲଡିଂରୁ ଅନେକ ଧାର୍ମିକ ପୁସ୍ତକ, ଏକ ଡଜନରୁ ଅଧିକ ଲାପଟପ୍ ଜବତ କରାଯାଇଛି। ଏହା ସହିତ ବିପୁଳ ପରିମାଣର ବିସ୍ଫୋରକ ସାମଗ୍ରୀ ଏବଂ ଅସ୍ତ୍ରଶସ୍ତ୍ର ମଧ୍ୟ ଜବତ କରାଯାଇଛି।
