ନୂଆଦିଲ୍ଲୀ: ଆତଙ୍କବାଦୀଙ୍କ ଏକ ବଡ ଷଡଯନ୍ତ୍ରକୁ ହରିୟାଣାର କରନାଲ ଜିଲ୍ଲା ପୋଲିସ ବିଫଳ କରିଛି। ସୂଚନାନୁସାରେ ୩-୪ ସନ୍ଦିଗ୍ଧ ଆତଙ୍କବାଦୀଙ୍କୁ ହରିୟାଣାର କରନାଲ ଜିଲ୍ଲା ପୋଲିସ ଗିରଫ କରିଛି। ଏହି ଆତଙ୍କବାଦୀଙ୍କ ନିକଟରୁ ଗୋଟିଏ ପିସ୍ତଲ ୩୧ କାର୍ଟ୍ରିଜ୍ ଏବଂ ୩ ଟି ଆଇଇଡି ଜବତ କରାଯାଇଛି।
କୁହାଯାଉଛି ଯେ, ଏହି ଆତଙ୍କବାଦୀମାନେ ପଞ୍ଜାବରୁ ଦିଲ୍ଲୀ ଯାଉଥିଲେ। ସୂଚନା ପାଇବା ପରେ ପୋଲିସ ତାଙ୍କୁ ସକାଳ ୪ ଟାରେ ମଧୁବାନ ନିକଟରୁ ଗିରଫ କରିଥିଲା। ସୂଚନାନୁସାରେ, ଇନୋଭା ଗାଡିରେ ଏକ ସନ୍ଦିଗ୍ଧ ପଦାର୍ଥ ମିଳିଛି, ଏହା ପରେ ବୋମା ନିରୋଧକ ଦଳକୁ ଡକାଯାଇଛି।