ବେଆଇନ ମାଙ୍କଡା ପଥର ଖଣି ଉପରେ ଚଢାଉ: ୬ ଅଭିଯୁକ୍ତଙ୍କୁ ଗିରଫ କଲା ଚାନ୍ଦପୁର ପୋଲିସ

Published: May 29, 2022, 10:15 pm IST

ଚାନ୍ଦପୁର: ନୟାଗଡ଼ ଜିଲ୍ଲା ଚାନ୍ଦପୁର ପୋଲିସ ରାଜ ଜଙ୍କିଆ ସ୍ଥିତ ଡୁଙ୍ଗପରି ଅଞ୍ଚଳରେ ଏକ ବେଆଇନ ମାଙ୍କଡା ପଥର ଖଣିରେ ଚଢ଼ାଉ କରି ୬ ଜଣ ଅଭିଯୁକ୍ତଙ୍କୁ ଗିରଫ କରିଛି। ଉକ୍ତ ସ୍ଥାନରୁ ଦୁଇ ଗୋଟି ଗାଡ଼ି ଏବଂ ୧ ଟି ପଥରକଟା ମେସିନ ମଧ୍ୟ ଜବତ କରିଛି ପୋଲିସ।

ତେବେ ଏହି ପରିପ୍ରେକ୍ଷୀରେ ଅଭିଯୁକ୍ତଙ୍କ ବିରୋଧରେ କେଶ ନମ୍ବର ୬୧/୨୨ ରେ ଚାନ୍ଦପୁର ପୋଲିସ ମାମଲା ରୁଜୁ କରିଥିବା ବେଳେ ଗିରଫ ହୋଇଥିବା ୬ ଜଣ ଅଭିଯୁକ୍ତଙ୍କୁ କୋର୍ଟଚାଲାଣ କରିଥିବାର ଆଇଆଇସି ରଶ୍ମିରଞ୍ଜନ ଦାସ ସୂଚନା ଦେଇଛନ୍ତି।

ସୂଚନା ଥାଉକି ଚଳିତ ବର୍ଷ ଆଜି ସୁଦ୍ଧା ଚାନ୍ଦପୁର ଥାନା ଅଞ୍ଚଳରେ ବେଆଇନ ଖଣି ଉପରେ ଛଅ ଗୋଟି ସଫଳ ଚଢ଼ାଉ ହୋଇଛି।

Related posts