ପୁରୀ: ଯେଉଁମାନେ ସାଧାରଣ ଚଳପ୍ରଚଳ ସ୍ଥାନରେ ମଦ ପିଉଛନ୍ତି ସେମାନେ ଏଣିକି ସାବଧାନ ରୁହନ୍ତୁ। କାରଣ ଏହିପରି ବ୍ୟକ୍ତିଙ୍କୁ ବର୍ତ୍ତମାନ ପୋଲିସ ଖୋଜୁଛି। ସଂଧ୍ୟା ହେଲେ ଅନେକ ଲୋକ ସାଧାରଣ ସ୍ଥାନରେ ନିର୍ଭୟରେ ମଦ ପିଉଛନ୍ତି। କେବଳ ସେତିକି ନୁହେଁ ସେମାନେ ମଧ୍ୟ ସାଧାରଣ ଲୋକଙ୍କୁ ହଇରାଣ ମଧ୍ୟ କରୁଛନ୍ତି। ଯାହାକୁ ନେଇ ବିଭିନ୍ନ ସମୟରେ ଅଭିଯୋଗମାନ ହେବାରେ ଲାଗିଛି।
ଏସବୁ ଅଭିଯୋଗକୁ ଦୃଷ୍ଟିରେ ରଖି ପୁରୀ ପୋଲିସ ତରଫରୁ ଏକ ଅଭିଯାନ ଆରମ୍ଭ କରାଯାଇଛି। ଯେଉଁମାନେ ସାଧାରଣ ସ୍ଥାନରେ ମଦ ପିଉଛନ୍ତି ସେମାନଙ୍କୁ ଗୋଡାଇ ଗୋଡାଇ ପୋଲିସ ଧରିବା ଆରମ୍ଭ କରିଛି। ଗତକାଲି ରାତିରେ ପୁରୀ କୁମ୍ଭାରପଡା ପୋଲିସ ବିଭିନ୍ନ ସ୍ଥାନରେ ଚଢାଉ କରି ପନ୍ଦର ଜଣଙ୍କୁ ଧରିଛି। ଏହି ଅଭିଯାନ ପ୍ରତିଦିନ ଚାଲିବ ବୋଲି ପୁରୀ ପୋଲିସ ନିଷ୍ପତି କରିଛି।
Tags: ପୁରୀ, ପୁରୀ ପୋଲିସ
