Tag: ପୁରୀ ପୋଲିସ

ପୁରୀ: ବିଭିନ୍ନ ସମୟରେ ଲୋକମାନେ ପୁରୀ ଗଲେ ପ୍ରଭୃ ଜଗନ୍ନାଥଙ୍କୁ ଦର୍ଶନ କରିବା ପରେ ଟିକିଏ ସମୁଦ୍ରକୂଳ ଆଡେ ବୁଲି ଆସନ୍ତି। ପ୍ରାୟତଃ ସମସ୍ତେ ସମୁଦ୍ରକୂଳ ରୋଡ ଉପରେ ଗାଡି ପାର୍କିଂ କରି ଭିତରକୁ ବୁଲିବାକୁ ଯାଆନ୍ତି। ହେଲେ ସେହି ଗାଡି ପାଇଁ ସେଠାରେ ଟ୍ରାଫିକ ସମସ୍ୟା ହୋଇଯାଏ। ଗାଡିମୋଟର ଜାମ ହୋଇଯାଏ। ଯାହାକୁ ନେଇ ପୁରୀ ପୋଲିସ ନାକେଦନ ହେବାକୁ ପଡେ।

ଏସବୁକୁ ଦୃଷ୍ଟିରେ ରଖି ପୁରୀ ପୋଲିସ ଗତ କିଛିଦିନ ଧରି ସମୁଦ୍ରକୂଳ ରୋଡ ଉପରେ ବେଆଇନ ପାର୍କିଂ ଗାଡିକୁ ସିଧା ଟେକି ନେଇ ଆସୁଛି। ଫଳରେ ଗାଡିମାଲିକ ଗାଡି ପାଖକୁ ଆସିବା ବେଳକୁ ଗାଡି ଉଭାନ। ଏହା ପୂର୍ବରୁ ପୋଲିସ ତରଫରୁ ପାର୍କିଂ ସ୍ଥାନରେ ଗାଡି ରଖିବା ପାଇଁ ସଚେତନ କରାଉଛି। ତଥାପି ଲୋକେ ନ ଶୁଣିବାରୁ ବାଧ୍ୟ ହୋଇ ପୋଲିସ ଏହି ପଦକ୍ଷେପ ଗ୍ରହଣ କରିଛି।

ପୁରୀ: ଗତକାଲି ରାତିରେ ପୁରୀ ପୋଲିସ ଏକ ବଡ ପଦକ୍ଷେପ ଗ୍ରହଣ କରିଛି। ତାହା ହେଲା ପୁରୀ ସମୁଦ୍ରକୂଳ ରୋଡରେ ବେଆଇନ ପାର୍କିଂ କରିଥିବା ଗାଡି ଜବତ। ରାତିରେ ପୋଲିସ ସ୍ବତନ୍ତ୍ର ଗାଡି ମାଧ୍ୟମରେ ବେଆଇନ ପାର୍କିଂ କରିଥିବା ଗାଡିକୁ ସିଧା ଉଠାଇ ନେଇଛି। ଯାହାକୁ ନେଇ ସାଧାରଣ ଲୋକେ ବେଶ ଖୁସି ପ୍ରକଟ କରିଛନ୍ତି।

ସାଧାରଣତଃ ପୁରୀ ସମୁଦ୍ରକୂଳରେ ସଂଧ୍ୟାବେଳେ ବୁଲିବା ପାଇଁ ସେଠାରେ ପ୍ରବଳ ଭିଡ ହୁଏ। ହେଲେ ଯେଉଁମାନେ ଦୂରଦୂରାନ୍ତରୁ ଆସିଥାନ୍ତି ସେମାନେ ପାର୍କିଂ ସ୍ଥାନରେ ଗାଡି ପାର୍କିଂ ନ କରି ରୋଡ ଉପରେ କରନ୍ତି। ଫଳରେ ସାଧାରଣ ଯାତାୟତରେ ଅସୁବିଧା ସୃଷ୍ଟି ହୋଇଥାଏ। ଏହାକୁ ଲକ୍ଷ ରଖି ପୁରୀ ପୋଲିସ ତରଫରୁ ଏହି କଡା ପଦକ୍ଷେପ ଗ୍ରହଣ କରାଯାଇଛି।

ପୁରୀ: ଏଣିକି ମଦୁଆମାନେ ସାବଧାନ ହୋଇଯାଆନ୍ତୁ। କାରଣ ସାଧାରଣ ଜନଗହଳି ବା ସାଧାରଣ ଚଳାଚଳ ସ୍ଥାନରେ ମଦ ପିଇଲେ ପୋଲିସ ବାନ୍ଧିବ ନେବ। ଏ ନେଇ ପୁରୀ ପୋଲିସ ଆରମ୍ଭ କରିଛି ଏକ ବଡ ଅଭିଯାନ। ଏଣିକି ପୁରୀରେ ବା ସମୁଦ୍ରକୂଳରେ ଖୋଲାଖୋଲି ମଦ ପିଇଲେ ସେମାନଙ୍କୁ ଗିରଫ କରାଯିବ।

ସାଧାରଣତଃ ଜନ ଗହଳି ପୂର୍ଣ୍ଣ ସ୍ଥାନରେ ମଦ ପିଇବା ବେଆଇନ କାର୍ଯ୍ୟ। ହେଲେ ଅନେକ ଏହାକୁ ଖୋଲାଖୋଲି ଉଲଘଂନ କରୁଛନ୍ତି। ବିଶେଷ କରି ପୁରୀ ସମୁଦ୍ର କୂଳରେ ଏହା ବେଶୀ ପରିଲକ୍ଷିତ ହେଉଛି। ଫଳରେ ପୁରୀ ସମୁଦ୍ରକୂଳ ଥାନା ଚଢାଉ କରି ଗତକାଲି ଦଶ ଜଣଙ୍କୁ ଗିରଫ କରିଛି। ଏହି ଅଭିଯାନ ଚାଲୁ ରହିବ ବୋଲି ପୋଲିସ ତରଫରୁ ଜଣାପଡିଛି।

ପୁରୀ: ଆଜି ପୁରୀ ପୋଲିସ ତରଫରୁ ବିଭିନ୍ନ ହୋଟେଲଗୁଡକରେ ସର୍ପାଇଜ ଚେକିଂ କରାଯାଇଛି। ଏକ ସ୍ବତନ୍ତ୍ର ଦଳ ବିଭିନ୍ନ ହୋଟେଲକୁ ଯାଇ ସେଠାରେ ଲାଗିଥିବା ସିସିଟିଭିକୁ ଯାଞ୍ଚ କରିଥିଲେ। କାରଣ ଏହି ଠିକ ଭାବେ ଚାଲୁଛି କି ନାହିଁ, ଭଲ ଭାବେ ରେକର୍ଡ ହେଉଛି କି ନାହିଁ ତାହା ଯାଞ୍ଚ କରିଥିଲେ।ସେହିପରି ଅଭ୍ୟର୍ଥନାରେ ରହିଥିବା ଅତିଥି ତାଲିକାକୁ ମଧ୍ୟ ଯାଞ୍ଚ କରାଯାଇଥିଲା। କେଉଁ ଅତିଥି କେଉଁଠାରୁ ଆଉ କେତେବେଳେ ଆସିଛନ୍ତି ତାହାର ମଧ୍ୟ ତଦାରଖ କରିଥିଲେ।

ବିଭିନ୍ନ ସମୟରେ ବାହାରୁ ଦୁର୍ବୁତମାନେ ଆସି ପୁରୀରେ ରହି ବହୁ ଅନୈତିକ କାର୍ଯ୍ୟ କଳାପରେ ଲିପ୍ତ ରହୁଛନ୍ତି ବୋଲି ଅଭିଯୋଗ ହୋଇ ଆସୁଛି। ଏପରିକି ହତ୍ୟାକାଣ୍ଡ ପରି ଘଟଣା ମଧ୍ୟ ଘଟୁଛି। ସେସବୁକୁ ନିୟନ୍ତ୍ରଣ ପାଇଁ ପୁରୀ ପୋଲିସ ତରଫରୁ ଏପରି ଅତର୍କିତ ଯାଞ୍ଚ କରାଯାଇଛି।

ପୁରୀ: ଆଜି ପୁରୀ ଜିଲ୍ଲା ପାଇଁ ୨୪ ଘଣ୍ଟିଆ ଫାଇଭ-ଟି କଲ ସେଣ୍ଟର ଆରମ୍ଭ କରାଯାଇଛି। ଏହି କଲ ସେଣ୍ଟର ସପ୍ତାହର ସମସ୍ତ ସାତ ଦିନ ପର୍ଯ୍ୟନ୍ତ ଚାଲୁ ରହିବ। ଏଥିପାଇଁ ଏକ ହେଲ୍ପ ଲାଇନ୍ ନମ୍ବର ଜାରି କରାଯାଇଛି। ଏହି ହେଲ୍ପ ଲାଇନ୍ ନମ୍ବର ସାଧାରଣ ଲୋକଙ୍କ ପାଇଁ ୨୪ ଘଣ୍ଟା ପାଇଁ କାର୍ଯ୍ୟ କରିବ। ଏହା ସହିତ ପୁରୀ ଆରକ୍ଷୀ ଅଧୀକ୍ଷକଙ୍କ ଅଫିସରେ ଏକ ରିସେପସନ୍ ସେଣ୍ଟର କରାଯାଇଛି। ଏବଂ ଅଭିଯୋଗ ଶୁଣାଣି ପାଇଁ ଡିଏସପି ଏଚଆରପିସି ନୋଡାଲ ଅଫିସର ରହିବେ।

ତେବେ ସାଧାରଣ ଜନତା ୭୬୫୩୮୯୧୯୩୦ ରେ କଲ୍ କରି ଅଭିଯୋଗ କରିପାରିବେ କିମ୍ବା ହ୍ୱାଟ୍ସଆପ୍ ମେସେଜ ମାଧ୍ୟମରେ ଅଭିଯୋଗ କରିପାରିବେ। ଅଭିଯୋଗକାରୀଙ୍କୁ ତୁରନ୍ତ ସମ୍ପର୍କ କରିବ ପୋଲିସ। ଅଭିଯୋଗର ୨୪ ଘଣ୍ଟା ମଧ୍ୟରେ ପୋଲିସ ତଦନ୍ତ କରି ଆରକ୍ଷୀ ଅଧିକ୍ଷକଙ୍କୁ ଜଣାଇବ।

ସେହିଭଳି ପୁରୀ ଆରକ୍ଷୀ ଅଧୀକ୍ଷକଙ୍କ ଅଫିସରେ ଏକ ରିସେପସନ୍ ସେଣ୍ଟର କରାଯାଇଛି। ଏଥିରେ ଜଣେ ମହିଳା କର୍ମଚାରୀ ଥିବାବେଳେ ସକାଳ ୧୦ଟାରୁ ସନ୍ଧ୍ୟା ୬ଟା ଯାଏଁ ଏହା କାର୍ଯ୍ୟ କରିବ। ଯେ କେହିବି ଅଭିଯୋଗ ପାଇଁ ଏସପି ଅଫିସ୍ ଆସିଲେ ରିସେପସନରେ ପଞ୍ଜିକରଣ କରିବେ। ସମସ୍ତ ଅଭିଯୋଗକୁ ପୁରୀ ଏସପି ବ୍ୟକ୍ତିଗତ ଭାବେ ଦେଖିବେ। ଏସପିଙ୍କ ଅନୁପସ୍ଥିତିରେ ଅଭିଯୋଗ ଶୁଣିବେ ଅତିରିକ୍ତ ଏସପି। ସମୟାନୁସାରେ ଆଇନତଃ ଭାବେ ଅଭିଯୋଗ ସମାଧାନ କରାଯିବ।

ଅଭିଯୋଗ ସମାଧାନ ଲାଗି ଡିଏସପି ଏଚଆରପିସି ନୋଡାଲ ଅଫିସର ରହିବେ। ଜିଲ୍ଲା ପୋଲିସ୍ ଅଫିସ୍ ଅଥବା ଫାଇଭ-ଟି କଲ୍ ସେଣ୍ଟରକୁ ଆସୁଥିବା ସମସ୍ତ ଅଭିଯୋଗରେ ଡିଏସପି, ଏଚଆରପିସି ଇନ୍ସପେକ୍ଟର ପ୍ରାଥମିକ ସହାୟତା କରିବେ। ଡିଏସପି ଏଚଆରପିସି ସମସ୍ତ ଅଭିଯୋଗକୁ ଠିକ୍ ସମୟରେ ଓ ଯୁକ୍ତିଯୁକ୍ତ ଭାବେ ସମାଧାନ କରିବା ନିଶ୍ଚିତ କରିବେ।