ଟାଙ୍ଗୀ: ନିର୍ଯ୍ୟାତନା ସହି ନ ପାରି ମହିଳାଙ୍କ ଆତ୍ମହତ୍ୟା, ସ୍ୱାମୀ ଗିରଫ

Published: Nov 14, 2022, 11:28 am IST

ସୀତାରାମ ଅଗ୍ରୱାଲ

ଟାଙ୍ଗୀ: ସ୍ୱାମୀର ନିର୍ଯ୍ୟାତନା ସହି ନ ପାରି ମହିଳାଙ୍କ ଆତ୍ମହତ୍ୟା ଅଭିଯୋଗ। ନିର୍ଯ୍ୟାତନା ଦେବା ଅଭିଯୋଗରେ ସ୍ୱାମୀଙ୍କୁ ଗିରଫ କରାଯାଇଛି। ମହିଳାଙ୍କ ଶବ ଜବତ କରି ପୋଲିସ୍ ତଦନ୍ତ କରୁଛି।

ଘଟଣା ହେଉଛି ଖୋର୍ଦ୍ଧା ଜିଲା ଟାଙ୍ଗୀ ଥାନା ବଡପାରୀ ପଥର ଚକଡା ସାହିର। ଅଭିଯୋଗ ମୁତାବକ ପ୍ରଶାନ୍ତ ଧଳ (୫୫) ନିଜ ପତ୍ନୀ ଜୟନ୍ତୀ ଧଳ (୫୦)ଙ୍କୁ ଶାରୀରିକ ଓ ମାନସିକ ନିର୍ଯ୍ୟାତନା ଦେଇ ଆସୁଥିଲେ। ଗତ କାଲି ସ୍ୱାମୀ ଓ ପତ୍ନୀଙ୍କ ମଧ୍ୟ୍ୟରେ ଝଗଡା ଚରମ ସୀମାରେ ପହଂଚିଥିଲା। ସ୍ୱାମୀ ପ୍ରଶାନ୍ତ ଧଳ ନିଜର ଏକ ମାତ୍ର ଝିଅକୁ ଧରି ନୟାଗଡ କୌଣସି କାର୍ଯ୍ୟରେ ଯାଇଥିଲେ।

ସ୍ୱାମୀ ଘରେ ନଥିବା ବେଳେ ପତ୍ନୀ ବେକରେ ଦଉଡି ଲଗାଇ ଆତ୍ମହତ୍ୟା କରିଥିଲେ। ଖବର ପାଇ ମହିଳାଙ୍କ ବାପ ଘର ଲୋଜେ ଥାନାରେ ଅଭିଯୋଗ କରିଵା ପରେ ପୋଲିସ୍ ତଦନ୍ତ କରି ସ୍ୱାମୀ ପ୍ରଶାନ୍ତଙ୍କୁ ଗିରଫ କରିଛି ଏବଂ ଶବ ଜବତ କରି ତଦନ୍ତ ଜାରି ରଖିଛି।

Related posts