ସୀତାରାମ ଅଗ୍ରୱାଲ
ବାଣପୁର: ବାଣପୁର ବଜାରରେ ପ୍ରବଳ ଭିଡ଼ ହେଉଥିବା ବେଳେ ସକ୍ରିୟ ହୋଇଉଠୁଛନ୍ତି ଅମାନିଆ ବାଇକ ଚାଳକ। ଏମାନଙ୍କ ଯୋଗୁଁ ମା’ ଭଗବତୀ ମନ୍ଦିର ଦର୍ଶନ ପାଇଁ ଆସୁଥିବା ପର୍ଯ୍ୟଟକ ଓ ସ୍ଥାନୀୟ ଜନସାଧାରଣ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି।
ଏହି ପରିପ୍ରେକ୍ଷୀରେ ବାଣପୁର ଆଇଆଇସି ଜୟପ୍ରକାଶ ପରିଡ଼ାଙ୍କ ନିର୍ଦ୍ଦେଶକ୍ରମେ ପୋଲିସ ରବିବାର ଦିନ ଅମାନିଆ ବାଇକ ଚାଳକଙ୍କ ଉପରେ ନଜର ରଖିବା ସହ ସନ୍ଧ୍ୟା ସୁଦ୍ଧା ନଅ ଗୋଟି ବାଇକ ଜବତ କରିଥିଲା। ତତସହିତ ବାଇକ ଚାଳକଙ୍କ ବିରୁଦ୍ଧରେ ନଅ ଗୋଟି ମାମଲା ରୁଜୁ କରାଯାଇଥିବାର ଆଇଆଇସି ଶ୍ରୀ ପରିଡ଼ା କହିଛନ୍ତି।
ତେବେ ପୋଲିସର ଏପରି ପଦକ୍ଷେପ ଦ୍ୱାରା ଧିରେ ଧିରେ ଅମାନିଆ ଗାଡି ଚାଳକ ସାବଡ଼ ହେଉଥିବାର ପରିଲକ୍ଷିତ ହୋଇଛି।
