କେନ୍ଦୁଝର: ବେଆଇନ ଗୋରୁ ବୋଝେଇ ଟ୍ରକରୁ ୭୪ ଗୋରୁ ଉଦ୍ଧାର କଲା ଏସଟିଏଫ, ୨ ଗିରଫ

Published: Dec 7, 2022, 9:40 pm IST

କେନ୍ଦୁଝର: ଆଜି ଭୋରରୁ କେନ୍ଦୁଝର ଟାଉନ ଥାନା ଅନ୍ତର୍ଗତ ଜୁଡିଆଘାଟିରେ ଏସଟିଏଫ ଚଢ଼ାଉ କରି ଦୁଇ ଗୋଟି ଗୋରୁ ବୋଝେଇ ଟ୍ରକ ଜବତ କରିଛି। ସୂଚନା ମୁତାବକ ଉକ୍ତ ସ୍ଥାନ ଦେଇ ବେଆଇନ ଭାବେ ପଶ୍ଚିମବଙ୍ଗକୁ ଗୋରୁ ଚାଲାଣ ହେଉଥିବାର ଖବର ପାଇ ଏସଟିଏଫ କେନ୍ଦୁଝର ପୋଲିସର ସହାୟତାରେ ଚଢ଼ାଉ କରି ଦୁଇ ଗୋଟି ଗୋରୁ ବୋଝେଇ ଟ୍ରକ ଜବତ କରିଛି ଯେଉଁଥିରୁ ୭୪ ଗୋଟି ଗୋରୁ ଉଦ୍ଧାର ହୋଇଛନ୍ତି।

ଏହି ପରିପ୍ରେକ୍ଷୀରେ ପଶ୍ଚିମବଙ୍ଗର ଦୁଇ ଅଭିଯୁକ୍ତ ଶେଖ ରାସିଦ ଏବଂ ଶେଖ ରେଜାବୁଲଙ୍କୁ ଗିରଫ କରି କେନ୍ଦୁଝର ଟାଉନ ଥାନାକୁ ହସ୍ତାନ୍ତର କରିଛି ଏସଟିଏଫ। ଅନ୍ୟ ପକ୍ଷେ ଉଦ୍ଧାର ଗୋରୁଙ୍କୁ ବଡ଼ବିଲ ସ୍ଥିତ ଗୋଶାଳାକୁ ହସ୍ତାନ୍ତର କରାଯାଇଛି। ଏହି ଘଟଣାରେ କେନ୍ଦୁଝର ଟାଉନ ଥାନା ପୋଲିସ କେସ ନମ୍ବର ୪୯୮/୨୨ ରେ ଏକ ମାମଲା ରୁଜୁ କରି ଗିରଫ ଅଭିଯୁକ୍ତଙ୍କୁ କୋର୍ଟଚାଲାଣ କରିଛି।

Related posts