ବାଣପୁର: କ୍ୟାବିନ ପୋଡ଼ି ଅଭିଯୋଗରେ ଦୁଇ ଅଭିଯୁକ୍ତ ଗିରଫ

Published: Feb 14, 2023, 7:10 pm IST

ସୀତାରାମ ଅଗ୍ରୱାଲ

ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ଥାନା ଅଞ୍ଚଳରେ ଏକ କ୍ୟାବିନ ପୋଡ଼ି ଅଭିଯୋଗରେ ଦୁଇ ଜଣ ଅଭିଯୁକ୍ତକୁ ଗିରଫ କରିଛି ପୋଲିସ। ଖବର ମୁତାବକ ସୋମବାର ବଡ଼ି ଭୋରରେ ଅଭିଯୁକ୍ତ ଶୁଭେନ୍ଦୁ ମହାପାତ୍ର ଏବଂ ସଚ୍ଚି ମିଶ୍ର କୁମାରାଙ୍ଗ ଛକ ରୋଡ ସାଇଡରେ ଅବସ୍ଥିତ ଏକ କ୍ୟାବିନକୁ କୌଣସି କାରଣବଶତଃ ନିଆଁ ଲଗାଇଦେଇଥିଲେ।

ତେବେ ନିଆଁ ବ୍ୟାପିବା ଭୟରେ ପଡିଶା ମାଟି ଘରେ ବାସ କରୁଥିବା ଗୋବିନ୍ଦ ଚନ୍ଦ୍ର ପାତ୍ର ଏହାକୁ ବିରୋଧ କରିବା ସହ କ୍ୟାବିନ ମାଲିକ ଶିଶିର ମିଶ୍ରଙ୍କୁ ସୂଚନା ଦେଇଥିଲେ। ଏଥିରେ ଉତକ୍ଷିପ୍ତ ହୋଇ ଅଭିଯୁକ୍ତମାନେ ପୁନର୍ବାର ଅପରାହ୍ନରେ ଗୋବିନ୍ଦ ଏବଂ ତାଙ୍କ ପରିବାରବର୍ଗ ଙ୍କୁ ଆକ୍ରମଣ କରିଥିଲେ।

ଏ ନେଇ ବାଣପୁର ଥାନାରେ ଶିଶିରଙ୍କ ପତ୍ନୀ ସନ୍ଧ୍ୟାରାଣୀ ମିଶ୍ର ଏବଂ ଆହତ ଗୋବିନ୍ଦଙ୍କ ପକ୍ଷରୁ ପୃଥକ ପୃଥକ ଭାବେ ଦୁଇ ଗୋଟି ଏତଲା ଦିଆଯାଇଥିବା ବେଳେ ପୋଲିସ କେସ ନମ୍ବର ୬୬/୨୩ ରେ ଏକ ମାମଲା ରୁଜୁ କରି ଆଜି ଉଭୟ ଅଭିଯୁକ୍ତଙ୍କୁ କୋର୍ଟଚାଲାଣ କରିଛି। ଏଏସଆଇ ଲକ୍ଷ୍ମୀଧର ପଣ୍ଡା ଉକ୍ତ ମାମଲାର ତଦନ୍ତକାରୀ ଅଧିକାରୀ ଅଛନ୍ତି।

Related posts