କନ୍ଦର୍ପ ବେହେରା
ରେଢାଖୋଲ: ଆଜି ରେଢାଖୋଲ ଚାରମାଳ ମଦଭାଟି ନିକଟରେ ଏକ ଅଜଣା ଗାଡି ଧକ୍କାରେ ଜଣେ କନେଷ୍ଟବଳଙ୍କର ଅକାଳ ବିୟୋଗ ଘଟିଛି।
ପୋଲିସ୍ ସୂତ୍ରରୁ ପ୍ରକାଶ ଯେ, ରେଢାଖୋଲ ସବ୍ ଡିଭିଜନ୍ ଚାରମାଳ ଥାନାର ମଦଭାଟି ସାମ୍ନାରେ ରେଢାଖୋଲ କୁକୁଡାବାହାଳି ପଂଚାୟତର ସାନ ନୂଆପଡା ଗ୍ରାମର ଦିଲ୍ଲୀପ୍ କୁମାର ସ୍ୱାଇଁ (୪୦)ନିଜ ଘରୁ ସମ୍ବଲପୁର ଡ୍ୟୁଟିକୁ ଯାଉଥିଲେ। ସକାଳ ୧୦ ଘଟିକା ସମୟରେ ଏକ ଅଜଣା ଗାଡି ମୃତ ଦିଲୀପ କୁ ଧକ୍କା ଦେଇ ଫେରାର୍ ହୋଇଯାଇଥିଲା। ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ହୋଇଯାଇଥିଲା। ସେ ସମ୍ବଲପୁରରେ ଏକସାଇଜ୍ କନେଷ୍ଟ ବଳ ଭାବରେ କାମ କରୁଥିଲେ। ଚାରମାଳ ପୋଲିସ୍ ଘଟଣା ସ୍ଥଳରେ ପହଂଚି ଶବକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଥିବା ବେଳେ ଦୁର୍ଘଟଣା କରି ଫେରାର୍୍ ଥିବା ଗାଡି କୁ ପୋଲିସ୍ ଧରିବାରେ ବିଫଳ ହୋଇଥିଲା।
ସୂଚନା ଯୋଗ୍ୟ ଯେ, ୨୦୧୩ ରେ ବାପା ବୀରବର ସ୍ୱାଇଁ ଙ୍କର ବାଇକ୍ ଦୁର୍ଘଟଣାରେ ମୃତ୍ୟୁବରଣ କରିଥିଲେ। ମୃତକର ୪ ବର୍ଷ ଏବଂ ୪ ମାସର ଦୁଇଟି ଶିଶୁପତ୍ର ଥିବା ଜଣା ପଡିଛି।