କୈଳାଶ ଚନ୍ଦ୍ର ଚୌଧୁରୀ
ବ୍ରହ୍ମପୁର: ନିମଖଣ୍ଡି ଥାନା ଅନ୍ତର୍ଗତ ଭାବିନୀପୁର, ଚୈତନ୍ୟ ନଗର, ବାସୁଦେବ ନଗର ଓ ଚଣ୍ଡିପଦର ଭଳି ବିଭିନ୍ନ ଅଞ୍ଚଳରୁ ତାଲାବନ୍ଦ ର ସୁଯୋଗ ନେଇ କିଛି ଅସାମାଜିକ ଯୁବକ ଘର ତାଲା ଭାଙ୍ଗି ଚୋରି ଘଟଣାରେ ବ୍ରହ୍ମପୁର ପୋଲିସ ର ମୁଣ୍ଡବିନ୍ଧା ହୋଇଥିଲା। ଏହି ଭଳି ୫ ଟି ସ୍ଥାନରେ ଚୋରି ଅଭିଯୋଗରେ ଚୋର ଗ୍ୟାଙ୍ଗ୍ କୁ ଧରିବା ପାଇଁ ପୋଲିସ ପକ୍ଷରୁ ଏକ ଟିମ୍ ଗଠନ ହୋଇଥିଲା।
ଉକ୍ତ ଟିମ୍ ବିଭିନ୍ନ ସ୍ଥାନରେ ଚଢାଉ କରି ପ୍ରଥମେ ଆନ୍ଧ୍ର ପ୍ରଦେଶ ଶ୍ରୀକାକୁଲମ ଜିଲ୍ଲାର ପାଲାସା ଅଞ୍ଚଳର ପି କ୍ରିଷ୍ଣା ନାମକ ଜଣେ ଯୁବକକୁ କାବୁ କରିଥିବା ବେଳେ ବଡ଼ବଜାର ଥାନା ଅନ୍ତର୍ଗତ ଗଣେଶ ନଗର ସାହିର ସାଗର ମୁଳି ଓ ଗୋପାଳପୁର ଥାନା ଅନ୍ତର୍ଗତ ନରଣପୁର ଗ୍ରାମ ର ଶ୍ରୀଧର ବେହେରା ନାମକ ଜଣେ ଯୁବକ କୁ ଉଠାଇ ଆଣି ଜେରା କରିବା ବେଳେ ଉକ୍ତ ସିରିଜ୍ ଚୋରି ଘଟଣାର ପ୍ରମାଣ ପାଇବା ସହ ସେମାନଙ୍କ ଠାରୁ ନଗଦ ୮୦ ହଜାର ଟଙ୍କା, କିଛି ସ୍ବର୍ଣ୍ଣ ଅଳଙ୍କାର ଓ ରୁପା ଅଳଙ୍କାର ସହ ଗୋଟିଏ ମୋଟରସାଇକେଲ, ବହୁ ପରିମାଣର ବିଦ୍ୟୁତ ତାର ଓ ଗ୍ରୁହ ନିର୍ମାଣ ସାମଗ୍ରୀ ଜବତ କରିଛନ୍ତି।
ଗିରଫ ଯୁବକ ମାନଙ୍କ ମଧ୍ୟରୁ ସାଗର ମୁଳି ନାମରେ ବିଭିନ୍ନ ଥାନାରେ ୧୫ ରୁ ଉର୍ଦ୍ଧ୍ବ ମକଦ୍ଦମା ଥିବା ଜଣାପଡିଛି।
