କୈଳାଶ ଚନ୍ଦ୍ର ଚୌଧୁରୀ
ବ୍ରହ୍ମପୁର: ନିମଖଣ୍ଡି ଥାନାରେ ଗତ କିଛି ଦିନ ମଧ୍ୟରେ ୫ ଟି ଚୋରି ଘଟଣାର ଅଭିଯୋଗ ହୋଇଥିଲା। ଥାନା ଅଧିକାରୀ ଭାବାନନ୍ଦ ପ୍ରଧାନ ଅଭିଯୋଗକୁ ଭିତ୍ତି କରି ଘଟଣାର ତଦନ୍ତ ପାଇଁ ଏକ ଟିମ୍ ଗଠନ କରିଥିଲେ ଓ ପରିଶେଷରେ ନିମଖଣ୍ଡି ପୋଲିସ ଦୁଇ ଜଣ ଯୁବକକୁ କାବୁ କରିଥିଲା।
ଉକ୍ତ ଦୁଇ ଯୁବକଙ୍କ ମଧ୍ୟରେ ଲୋଚାପଡା ରାମକୃଷ୍ଣ ନଗରର ସାନୁ ନାୟକ ବିଭିନ୍ନ ଘରୁ ୯ ଟି ପାଣି ପମ୍ପ୍, ଗାଧୁଆ ଘର ଫିଟିଙ୍ଗ୍ସ, ରନ୍ଧା ଘର ଚିମିନି ସହ କିଛି ବିଦ୍ୟୁତ ସାମଗ୍ରୀ ଚୋରି କରି ହିଞ୍ଜିଳି ଥାନା ଅନ୍ତର୍ଗତ ଦୁର୍ବନ୍ଧ ଗ୍ରାମର ଗସୁଦର୍ଶନ ସାହୁଙ୍କୁ ବିକ୍ରି କରୁଥିବା ଜଣାପଡିଥିଲା ଓ ପୋଲିସ ଉଭୟଙ୍କୁ କାବୁ କରି ଉକ୍ତ ସମସ୍ତ ସାମଗ୍ରୀ ଜବତ କରିବା ସହ ଅଭିଯୁକ୍ତ ଦ୍ଵୟଙ୍କୁ କେଶ୍ ନଂ ୯୫/୨୩ ଓ ଧାରା ୪୫୭ ଓ ୩୮୦ ଅନୁଯାୟୀ କୋର୍ଟ ଚାଲାଣ କରିଛନ୍ତି। ଏତଦବ୍ୟତୀତ ଜବତ୍ ସାମଗ୍ରୀ ଯାଞ୍ଚ କରି ଠିକ ଲୋକଙ୍କୁ ଫେରାଇ ଦିଆଯିବ ବୋଲି ବ୍ରହ୍ମପୁର ଏସ୍ ପି ଙ୍କ ଠାରୁ ସୁଚନା ମିଳିଛି।
