ବ୍ରହ୍ମପୁର: ବଡ଼ବଜାର ଥାନା ଅନ୍ତର୍ଗତ ଶ୍ରୀରାମ ନଗର ୨ୟ ଗଳିର ଦୀପୁ ନାୟକ ନାମକ ଜଣେ ଯୁବକ ନିଜ ଘର ବାରଣ୍ଡାରେ ଛିଡ଼ା ହୋଇଥିଲେ। ଠିକ ସେତିକିବେଳେ ହଠାତ୍ ୪ ଜଣ ଯୁବକ ସେଠାରେ ପହଞ୍ଚି ଦୀପୁଙ୍କୁ ଗାଳିଗୁଲଜ କରିଥିଲେ। ଏବଂ ସେଠାରୁ ଜବରଦସ୍ତ ମୋଟରସାଇକେଲରେ ବସାଇ ନିକଟସ୍ଥ ଦାଦିମା ମନ୍ଦିର ନିକଟକୁ ନେଇ ନିର୍ଦ୍ଧୁମ ମାଡ଼ ମାରିଥିଲେ। ଏହା ସହ ଦୀପୁ ଧରିଥିବା ପ୍ରାୟ ଦୁଇ ହଜାର ଟଙ୍କା ନେଇ ଉଭୟ ଫେରାର ହୋଇଯାଇଥିଲେ।
ମାଡ଼ ଖାଇ ଦୀପୁ ଚିତ୍କାର କରିବାରୁ ଅଞ୍ଚଳର କିଛି ଲୋକ ଘଟଣାସ୍ଥଳରେ ପହଞ୍ଚି ପୋଲିସକୁ ଖବର ଦେଇଥିଲେ ଓ ପୋଲିସ ଘଟଣାସ୍ଥଳରେ ପହଂଚି ଦୀପକୁ ଉଦ୍ଧାର କରି ଚିକିତ୍ସା ନିମନ୍ତେ ଡାକ୍ତରଖାନାକୁ ପଠାଇଥିଲେ। ଚିକିତ୍ସା କରିବା ପରେ ଅଭିଯୋଗ ଗ୍ରହଣ କରି ପୋଲିସ ଘଟଣାର ତଦନ୍ତ ଆରମ୍ଭ କରିଛନ୍ତି।
